Qolf brendi Good Good qadının klubdan tutaraq yerə itələndiyi yeni qolf sürücüsü reklamı üçün üzr istəyib və videonu silib.

Good Good YouTube kanalında 2,13 milyon abunəçisi olan və PGA Turunu dəstəkləyən qolf məzmunları hazırlayır. Bu kanalda Callaway qolf klubları üçün reklam yayımlanmışdı.

Reklam tənqidlərə səbəb olub və qadınlara qarşı zorakılığı yüngülləşdirməkdə günahlandırılıb.

Good Good X sosial şəbəkəsində açıqlama verərək bildirib: “Kanalımızda yayımladığımız video brendimizin dəyərlərinə uyğun olmayan hərəkətləri əks etdirirdi. Məzmumu silmişik və səmimi qəlbdən üzr istəyirik. Good Good həmişə qolfu hər kəs üçün daha əlçatan etmək missiyasını dəstəkləyib və bunu davam etdirəcək.”

Reklamda Good Good-un həmtəsisçisi Garrett Klark professional qolfçu və müntəzəm məzmun yaradıcısı Aleksis Miestovski-yə tərəf qaçaraq onu yerə itələyir və “Mənim yeni sürücümə toxunma!” deyir.

Callaway isə 2023-cü ildən bəri Good Good ilə əməkdaşlıq edir. Şirkət verilən bəyanatda yayımlanan məzmundan məyusluğunu bildirərək Good Good-un məsələni həll etməsinə təşəkkür edib. Callaway inklüziv qolf mühiti yaratmaq üçün əməkdaşlığı davam etdirmək niyyətindədir.

Good Good 2020-ci ildə YouTube kanalı kimi yaradılıb və ən böyük qolf məzmun yaradıcılardan birinə çevrilib. Kanal kişilər və qadınların müxtəlif çətinliklərdə yarışmasını, televiziya üçün hazırlanan şouları və qolf geyimləri ilə digər məhsullar üçün reklamları əhatə edir.

PGA Turunun nümayəndəsi reklamla bağlı bildirib: “Biz insanların bir araya gəlməsinə və hər kəs üçün dost mühit yaratmaq istiqamətində inamlıyıq. Biz zorakılığı qətiyyətlə pisləyirik və silinmiş video dəyərlərimizi, inklüzivlik və hörmətə bağlılığımızı əks etdirmir.”