"The Gentlemen" serialının növbəti mövsümü üçün Netflix rəsmi sifariş verib. Serialın 3-cü mövsümü 8 bölümdən ibarət olacaq və hazırda istehsal mərhələsindadır. Çəkilişlərin tezliklə başlayacağı gözlənilir, lakin ssenarilər hələ tam hazır deyil.

Seriala yenidən Guy Ritchie rejissorluq edəcək və Matthew Read ilə birgə ssenari yazacaq. Variety nəşrinə müsahibəsində Ritchie bildirib ki, üçüncü mövsüm qaçılmaz idi və o, serialın sərhədlərini daha da genişləndirmək üçün səbirsizlənir.

3-cü mövsüm nədən bəhs edəcək?

Hələ üçüncü mövsümün rəsmi xülasəsi açıqlanmayıb. Lakin serial aristokrat Eddie Horniman-ın vəfat etmiş atasından miras qalan kənd təsərrüfatı mülkünü əldə etməsindən sonra onun yeraltı narkotik şəbəkəsi ilə bağlı olduğunu öyrənməsi barədədir. Üçüncü mövsümün ikinci mövsümün sonunda baş verənləri davam etdirəcəyi gözlənilir.

İkinci mövsümün qısa icmalı belədir: “Eddie və Susie bir il əvvəl Bobby-nin xaricdəki cinayət imperiyasında birləşdilər. Onlar işlərini genişləndirmək istəyərkən, Bobby-nin qərarları getdikcə daha riskli olur. Eddie və Susie qabaqlayıcı addımlar atmalı, yoxsa hər şeyi itirmək təhlükəsi ilə üzləşməlidirlər.”

Kastinq və aktyor heyəti

3-cü mövsüm üçün aktyor heyəti hələ açıqlanmayıb. Serialın əsas rollarında olan Theo James və Kaya Skodelario olsa da, Variety yazır ki, yeni mövsüm üçün kastinq hələ yekunlaşmayıb.

Deadline bildirib ki, Meqan Markl Guy Ritchienin Netflix serialı "The Gentlemen"in 3-cü mövsümündə iştirak etmək üçün ilkin danışıqlar aparıb. Bu, onun Böyük Britaniyaya qayıdıb aktyorluğa dönməsi ilə bağlı xəbərlərə uyğun gəlir. Ancaq bununla bağlı heç bir rəsmi təsdiq yoxdur.

"The Hollywood Reporter" yazır ki, Meqan Markl Ritchie ilə ortaq tanışlar vasitəsilə tanış olub. Netflix-in Böyük Britaniya TV festivalında ssenari rəhbəri Manda Levin mövzu ilə bağlı sualı cavablandıraraq “Bütün ehtimallar açıqdır” deyib.

"The Gentlemen" serialının baş rolundakı Theo James isə Town & Country jurnalına müsahibəsində Meqan Marklın seriala qoşulması xəbərlərini təkzib edib: “Xeyr, məncə, bu əsasən boş söz-söhbət idi. İndi diqqətimizi ikinci mövsümün izləyicilərini artırmağa yönəltmişik. Üçüncü mövsüm isə tezliklə gələcək. Ancaq hekayənin ümumi istiqamətini müəyyən etmişik. Serialın dünyasını genişləndirəcək, müxtəlif ölkələrə gedəcəyik. Detallara gəlincə, hələ çox sual işarəsi qalır.”

Buraxılış tarixi

"The Gentlemen" serialının 3-cü mövsümünün yayımlanma tarixi hələ açıqlanmayıb. İkinci mövsüm 2024-cü ilin martında yayımlanıb və 3-cü mövsümün də tezliklə gələcəyi gözlənilir.