Hesabatda təhsildə olmayan, işsiz və təlimdə iştirak etməyən, yəni NEET kateqoriyasına daxil olan gənclərin vəziyyəti araşdırılıb. Qeyd edilir ki, bu gənclərin istehsal prosesinə cəlbi təkcə sosial ehtiyac deyil, həm də Türkiyənin davamlı inkişafı, istehsal gücü, məhsuldarlıq və rəqabət qabiliyyəti üçün strateji tələbdir.

Hesabatda Türkiyənin OECD ölkələri arasında NEET göstəricisi yüksək səviyyədədir. 15-29 yaş qrupunda olan gənclərin 25,9 faizi təhsildə deyil, işləməyir və təlimdə iştirak etmir. Qadın gənclər arasında bu göstərici 36,5 faizə çatır.

Təhsil ilə istehsal arasındakı əlaqənin gücləndirilməsi, gənclərin əmək bazarına keçidinin dəstəklənməsi və peşə istiqamətləndirmə mexanizmlərinin genişləndirilməsi hesabatın əsas tapıntılarındandır.

Məsələnin həllində beş əsas siyasət prioriteti müəyyənləşdirilib: hədəfə yönəlmiş siyasət dizaynı, güclü institusional koordinasiya, nəticəyə yönəlmiş izləmə qabiliyyəti, qadın NEET-lərə qayğı və çevik iş dəstəyi, habelə Ankaranın pilot layihə şəhəri kimi seçilməsi.

Hesabatda Ankaranın sənaye infrastrukturu, universitet ekosistemi, institusional potensialı, məlumat istehsalı və gənc əhali profili nəzərə alınaraq NEET siyasətlərinin tətbiqi üçün model şəhər kimi əhəmiyyətli potensiala malik olduğu vurğulanır.

Ankara Sənaye Palatası prezidenti Seyit Ardıç bildirib ki, istehsal prosesindən kənarda qalan gənclər “itirilmiş nəsl” kimi qəbul edilməməli, düzgün siyasətlə bərpa oluna biləcək böyük potensial kimi qiymətləndirilməlidir.

“Bu gün sənayedə ixtisaslı kadr axtararkən bir çox gənc əmək bazarından kənardadır. Bu da göstərir ki, əsas problem təkcə işsizlik deyil, bacarıqların qarşılaşdırılmamasıdır,” deyə Ardıç vurğulayıb.