Kodi Plofker anası Bobbi Braun tərəfindən qurulan "Jones Road Beauty"nin baş direktor vəzifəsindən ayrılıb.

"Şəxsi və peşəkar səbəblərdən gündəlik fəaliyyətimdən çəkilməyə qərar vermişəm," o, bazar ertəsi LinkedIn paylaşımında belə yazıb. "Beş il ərzində əldə etdiyimiz nailiyyətlərlə qürur duyuram və heç vaxt xəyalımda belə tez bu səviyyəyə çatacağımızı düşünməzdim."

O, əlavə edib ki, "Jones Road" indi doqquzmənlik gəliri olan və mənfəətli bir şirkətə çevrilib.

"Peşəkar olaraq, mən insanları idarə etmək və CEO postunda olmaqla bağlı yaranan problemlərlə məşğul olmaqdan çox, marketinq hədəfləri yaratmaq və reklamlar üzərində işləməyi üstün tuturam. Uzun müddət bu əyləncəli işləri edə bilməmişəm," deyə Plofker bildirib. ""Jones Road" üçün daha təcrübəli və biznesə yeni yanaşması olan bir CEO daha faydalı olacaq. Bu tamamilə mənim şəxsi qərarımdır və buna görə utanmıram. Bizə bu uğuru qazandırmaqda rolum olsa da, növbəti mərhələdə uyğun şəxs mən deyiləm."

Plofker idarə heyətinə keçəcək və aktiv üzv kimi fəaliyyətini davam etdirəcək.

Şirkətin nümayəndəsi onun əvəzləyicisinin axtarışına başlanıldığını təsdiqləyib.

Bobbi Braun 2020-ci ildə "Jones Road" brendini yaradıb. O, həmin vaxt ABŞ-ın "Estée Lauder Cos." şirkətinə məxsus öz adına olan markanı tərk etmişdi. Brend əvvəlcə makiyaj məhsulları ilə tanınırdı, son vaxtlar isə bədən baxımı məhsullarının çeşidini genişləndirib.