Wes Streeting, bu həftə hökumətdən istefa verən keçmiş Böyük Britaniya səhiyyə naziri, müsabiqə başladıqda Baş nazir Keir Starmerin yerinə namizədliyini irəli sürəcəyini deyir.

Starmerin hökuməti çətin vəziyyətdədir, Birləşmiş Krallığın rəhbəri idarə etdiyi İşçi Partiyasının bələdiyyə seçkilərində ağır məğlubiyyətdən sonra istefa tələbləri ilə üzləşib.

Starmer artan tənqidləri rədd etsə də, İşçi Partiyasındaonun əvəzlənməsi üçün Londonda demək olar qaçılmaz görünür.

Formal rəhbərlik mübarizəsini başladığını hələ elan etməsə də, Streeting şənbə günü Starmerin yerini tutmaq və mərkəz-sol İşçi Partiyasının yeni lideri olmaq üçün mübarizə aparacağını təsdiqləyib.

İngiltərənin parlamentində böyük əksəriyyətə sahib olan hökumət partiyasına rəhbərlik edən şəxs avtomatik olaraq baş nazir olacaq.

“Ən yaxşı namizədlərin olduğu ciddi mübarizə aparılmalıdır və mən iştirak edəcəyəm,” deyə Streeting şənbə günü Londonda keçirilən bir düşüncə mərkəzinin tədbirində bildirib. Keçmiş səhiyyə naziri Starmeri istefa vaxtını müəyyən etməyə çağırıb.

Streeting İşçi Partiyası tərəfdarlarına yönəlmiş çıxışında Baş nazirə ironiya edib və İşçi Partiyasının “çox sahədə hazırlıqsız və aydın vizyon və istiqamət çatışmazlığı ilə hakimiyyətə gəldiyini” bildirib, bu barədə UK Guardian qəzeti xəbər verib.

Starmerə “güvən yoxdur”

Cümə axşamı Streeting İşçi hökumətindən istefa verib və Starmerin rəhbərliyinə “güvən”inin qalmadığını bildirib. Bir gün sonra Streeting Böyük Manchester meri Andy Burnhamı dəstəklədiyini açıqlayıb. Burnham Starmerin yerini tutmaq üçün aparıcı namizədlərdən sayılır.

“Biz ən güclü oyunçularımızı oyuna qoşmalıyıq. Şübhəsiz ki, Andy Burnham onlardan biridir,” Streeting X sosial şəbəkəsində yazıb. “Andy qazanmaq üçün ən yaxşı şansdır və bu, partiyadaxili fayda və ya bir nəfəri dəstəkləmək kimi məsələlərin üstündə olmalıdır.”

Starmerin hakimiyyətdəki vaxtı Jeffrey Epsteinlə əlaqəli Peter Mandelsonun Vaşinqtonda Birləşmiş Krallığın səfiri təyin edilməsilə bağlı qalmaqalla və yavaş irəliləyən daxili siyasət dəyişikliklərindən narazılıqlarla müşayiət olunur.

Britaniya parlamentində 80-dən çox deputat onun istefasını tələb edib, dörd kiçik nazir vəzifəsindən gedib. Bəzi İşçi Partiyası siyasətçiləri Burnham ətrafında birləşir.

Cümə axşamı İşçi Partiyası deputatı Josh Simons Makerfield dairəsində mandatından imtina edib ki, Burnham parlament seçkilərində iştirak edə bilsin. Bu, onun Starmerə qarşı partiya rəhbərliyi uğrunda mübarizə aparması üçün lazımdır. İşçi Partiyasırazılaşıb Burnhamın parlamentə qayıtmasına imkan vermək üçün.

Makerfield üzrə təkrar seçki ən erkən gələn ay keçiriləcək – bu regional seçki, Starmerdən sonra Birləşmiş Krallığa kimin rəhbərlik edəcəyini müəyyən edə bilər.

Burnham parlamentə seçilərsə, Starmerə qarşı mübarizə başlamaq üçün İşçi Partiyasının parlament üzvlərinin 81-nin, yəni parlamentdəki 20 faizinin dəstəyini qazanmalıdır.

Başqa mümkün namizəd Angela Rayner cümə axşamı vergi orqanlarının onun vergi işləri üzrə araşdırmadan sonra səhv etmədiyini təsdiqlədiyini bildirib, bu isə onun rəhbərlik iddiası üçün manə sayılırdı.