Bessentlə He Lifen ABŞ və Çin arasındakı ticarətə dair məsələləri müzakirə ediblər
7 noyabr 2026, 11:47 · Mənbə: Report.az

Çin Dövlət Şurası Baş nazirinin müavini He Lifen, ABŞ Maliyyə Nazirliyinin rəhbəri Skott Bessent və ABŞ-nin ticarət nümayəndəsi Ceymison Qrir videokonfrans rejimində iki ölkə arasında əsas ticari-iqtisadi məsələləri müzakirə ediblər.
Yeniliklərdən dərhal xəbərdar olun!
Çin Dövlət Şurası Baş nazirinin müavini He Lifen, ABŞ Maliyyə Nazirliyinin rəhbəri Skott Bessent və ABŞ-nin ticarət nümayəndəsi Ceymison Qrir videokonfrans rejimində iki ölkə arasında əsas ticari-iqtisadi məsələləri müzakirə ediblər.
"Report" "İnterfaks"a istinadən xəbər verir ki, bu barədə Çin mediası məlumat yayıb.
"Tərəflər qarşılıqlı maraq doğuran əsas ticari-iqtisadi məsələlərin konstruktiv müzakirəsini aparıblar. Əsas diqqət iki dövlət başçısının Pekin və Vaşinqtondakı görüşləri zamanı əldə etdikləri razılaşmaların həyata keçirilməsinə, eləcə də ikitərəfli ticari-iqtisadi məsləhətləşmələrin yekunlarına yönəldilib", - media bildirib.
Həmsöhbətlər əməkdaşlığı genişləndirmək və mövcud fikir ayrılıqlarını müvafiq şəkildə həll etmək üçün ikitərəfli ticari-iqtisadi məsləhətləşmələr mexanizmindən daha da səmərəli istifadə edilməsi barədə razılığa gəliblər.
Bundan əlavə, danışıqların iştirakçıları ikitərəfli ticari-iqtisadi əlaqələrin davamlı, sabit və müsbət inkişafına kömək etmək niyyətində olduqlarını təsdiqləyiblər.
Hazırda iki ölkə arasında Çin Sədri Si Cinpinin Vaşinqtona səfərindən sonra 2026-cı ilin sentyabrında uzadılmış ticarət barışığı qüvvədədir.
Oxşar xəbərlər

Dünya
Sibiqa və Fidan Qara dənizdə deeskalasiya səylərini müzakirə ediblər
Report.az · 16 noyabr 2026, 21:47

Dünya
Aİ Mərkəzi Asiya, Qara dəniz regionu, Cənubi Qafqaz ilə dialoqun davam olunacağına ümid edir
Report.az · 16 noyabr 2026, 21:17


Dünya
Lavrov: Moskva və Vaşinqton arasında çox sayda ziddiyyət hələ də qalır
Report.az · 16 noyabr 2026, 20:17