Şimali İrlandiyada minlərlə insan anti-miqrant zorakılığına qarşı keçirilən etirazlara qatılıb. Bu zorakılıq paytaxt Belfastda bıçaqla hücumla əlaqədardır.

Şənbə günü etirazçılar Belfast Bələdiyyə binasının qarşısında “Nifrət küçələrimiz üçün yeganə təhdiddir” və “Belfast irqçiliyə qarşıdır” şüarları ilə çıxış ediblər. Londonderridə — Derri kimi tanınan şəhərdə də irqçiliyə qarşı mitinq keçirilib.

Belfastda yayılan video sosial şəbəkələrdə geniş yayıldıqdan sonra şəhərdə iki gecə iğtişaş və irqçi zorakılıq davam edib. Videoda bir kişinin küçədə uzanan şəxsin üstünə oturaraq ona bıçaqla zərbə vurması görünür.

Sudan vətəndaşı Hadi Alodid çərşənbə günü mühakimə qarşısına çıxarılıb. O, yaralı Stephen Ogilvinin öldürməyə cəhd etməkdə ittiham olunur. Yaralı hələ xəstəxanadadır.

Şənbə günü aksiya iştirakçısı, 63 yaşlı Hilari Hunter AFP-yə bildirib ki, o, baş verənlərdən çox narahatdır.

“Hamımız bura göstərmək üçün gəlmişik ki, problemlər yaradan insanlar [anti-miqrant iğtişaşçıları] bizim adımızdan danışmırlar”, — deyə o vurğulayıb.

“Unite Against Racism” təşkilatının keçirdiyi aksiyanın iştirakçı sayı Belfastda keçirilən ən böyük irqçilik əleyhinə etirazlar kimi qiymətləndirilir.

Amnesty International İngiltərə-nin Şimali İrlandiya üzrə direktoru Patrik Korrigan aksiyanın sadə və açıq mesajı olduğunu bildirib:

“Belfastın bəzi hissələrində bu həftə baş verən dəhşətli irqçi zorakılığa baxmayaraq, şəhər əhalisinin böyük əksəriyyəti irqçilik əleyhinədir, miqrantları və azlıqları qəbul edir, onların burada qalmasını istəyir”, — deyə o əlavə edib.

Hakimiyyətin son günlərdə baş verən zorakılıqlara hazır olmadığını vurğulayıb.

“İrqi zorakılıq artıq ardıcıl üçüncü yay baş verir. Biz Şimali İrlandiya hakimiyyətinə xəbərdarlıq etmişdik ki, zorakılıq daha da artacaq, lakin onlar buna hazır deyildilər”, — Patrik Korrigan qeyd edib.

Gələcəkdə belə halların qarşısını almaq üçün siyasi liderlik zəruridir — Baş Nazir Kir Starmer-dən başlayaraq, Şimali İrlandiyanın siyasətçilərinə qədər.

“Bu həftə Starmer-dən başqa heç nə görmədik, yalnız qınama sözləri oldu – bu vəzifəni yerinə yetirmək üçün kifayət deyil”, — o əlavə edib.

Dəri rənginə görə hədəf seçilənlər

Şimali İrlandiya naziri Hilari Benn cümə günü bildirib ki, qarşıdurmalar qorxu yaradıb, bir çox şəxslər maskalı zorakılar tərəfindən dərilərinin rənginə görə evlərindən qovulub yandırılıb.

O deyib ki, işə gedərkən maşınlarında saxlanılıb milliyyətləri soruşulanlar olub ki, bu da qətiyyən qəbuledilməzdir.

Milli Siyasi Xalq Sosial Demokratik Partiyasının yerli məsləhətçisi Seymas de Favait deyib ki, insanlar irqçi zoraklığa qarşı dəhşətini göstərmək üçün meydanlara çıxıblar.

Şəhərdə bir çox təşkilat evlərinə qayıda bilməyən insanlara yardım göstərmək üçün çalışır.

Miqrasiya həm Böyük Britaniya, həm də İrlandiyada aktual məsələdir və sağçı Reform UK partiyasının yüksəlişinə səbəb olub.

Son illərdə hər iki ölkədə anti-miqrant etirazları və zorakılıq hallarının sayı artıb.