ABŞ səhm bazarı yüksək xam neft qiymətləri və geosiyasi gərginlikdən tutmuş, “möhtəşəm yeddi” şirkətin beşinin bu həftəki qazanclarına qədər bir maneəni ardınca aşaraq sürətlə irəliləyir. Növbəti mərhələ isə “S&P 500” üzvlərindən 100-dən çox şirkətin hesabat verəcəyi birinci rübün qazanclar mövsümünün başqa bir uğurlu həftəsidir. Əsas məqamlar arasında yarımkeçirici lider “Advanced Micro Devices” (AMD), pərakəndə ticarət favoritləri “Palantir” və “Coinbase”, habelə “Uber”dən “Disney”ə qədər istehlak səhmləri yer alır.

Momentum treyderləri üçün çərşənbə axşamı bazar bağlandıqdan sonra AMD-nin hesabatı yəqin ki, ən vacibidir. Yarımkeçiricilər süni intellekt (AI) bumunun arxasında duran güc təminatçıları olaraq buğa bazarının ürəyi olaraq qalır və AMD son bir ildə 270% artaraq yüksəliş göstərib. Bu, mayın 20-də hesabat verəcək “Nvidia”nın hərəkətindən üç dəfə çoxdur.

**AMD və “Palantir”** Opsiyon treyderləri AMD-də 7% hərəkətə hazırlaşırlar və ümumilikdə “buğa” əhval-ruhiyyəsindədirlər. “Call” əməliyyatlarının həcmi və mükafatları “put” əməliyyatlarını xeyli üstələyir, lakin təxminən bərabər sayda “call” satılır və alınır. Bəlkə də bu, səhmin son hesabatından sonra 17% dəyər itirib, aprel ayında isə 75% bərpa rallisi keçirməsi ilə əlaqədardır.

Kəşfiyyat proqram təminatı təminatçısı “Palantir”də isə axınlar bir qədər daha “buğa” xarakteri daşıyır. Bu səhm bütün zamanların ən yüksək səviyyəsindən 30% aşağı düşsə də, son iki ildə 550% artıb və son yeddi hesabatının beşindən sonra yüksəliş göstərib. Cümə günü “Palantir” opsiyon ticarətində satılan “call”lardan daha çox “call” alınıb və satılan “put”lardan daha çox “put” alınıb. “Call” əməliyyatları ümumi həcmin 62%-ni, mükafatların isə 72%-ni təşkil edir. Treylerlər 8% dəyişiklik gözləyirlər ki, bu da dörd rübün orta göstəricisi olan 8,7%-dən bir qədər aşağıdır. Aleks Karpın (Alex Karp) şirkəti bazar ertəsi bazar bağlandıqdan sonra hesabat verəcək.

AMD və “Palantir”in eyni həftədə hesabat verməsi, son aylardakı zəif performansdan sonra aparat və proqram təminatı mövzularının birlikdə yüksəlməsi üçün bir fürsət təqdim edir. Momentum, “S&P 500”, “Nasdaq 100” və “Russell 2000” indekslərinin cümə günü yeni zirvələrə çatması və VIX indeksinin fevralın 3-dən bəri ən aşağı səviyyəyə, yəni 16.4-ə düşməsi ilə “buğaların” lehinədir.