Cümə axşamı keçirilən uzun iclas zamanı Almaniyanın aşağı palatası Bundestaq əvvəl bağlanmış müzakirəni altı ildən sonra yenidən açdı. Müzakirədə ölkənin digər Avropa dövlətləri kimi orqan donasiyası üçün “imtina” sistemini tətbiq edib-etməməsi məsələsi qaldırıldı.

2020-ci ildə Almaniyanın parlamentariləri Səhiyyə Nazirliyinin təklif etdiyi “təsəvvür edilən razılıq” sistemini rədd edib, vətəndaşların şəxsiyyət vəsiqəsini yeniləyərkən orqan donoru olmaq istəklərinin soruşulması ilə bağlı kompromis yolunu seçdilər.

Hazırda partiyalararası parlamentarilər qrupu “təsəvvür edilən razılıq” sistemini tətbiq etmək üçün yeni təşəbbüs irəli sürüb. Bu məsələ cümə axşamı iki saat müzakirə olundu. Parlamentarilər istəməyənlər açıq şəkildə imtina etmədikcə, hər alman vətəndaşını orqan donoru saymağı istəyirlər.

Bir orqan transplantasiyası bu qadının həyatını necə dəyişib

Bu videonu izləmək üçün zəhmət olmasa JavaScript-i aktiv edin və HTML5 videonu dəstəkləyən brauzerə keçid edin HTML5 videonu dəstəkləyən brauzer

Parlamentarilərin çoxu “imtina” sistemini dəstəkləyir

Cümə axşamı müzakirədə çıxış edənlərdən çoxu “imtina” sisteminin tərəfdarı oldu. Konservativ Xristian Demokratik İttifaqı (CDU) partiyasından deputat Gitta Connemann dedi ki, hazırda əhalinin təxminən 40 faizi orqan donorudur, lakin sayın artırılması üçün atılan addımlar kifayət etməyib.

O bildirib: "Biz xəstəxanaları gücləndirdik, transplantasiya təmsilçilərini dəstəklədik, maarifləndirməni artırdıq, kampaniyalar başladıq, onlayn qeydiyyat yaratdıq. Amma hələ də boşluq var: ölkədə 85 faizdən çox adam orqan bağışına müsbət baxır, ancaq sadəcə 45 faizi bunu sənədləşdirib."

Qanun dəyişikliyinə qarşı çıxanlardan biri sağıçı Almaniya üçün Alternativ (AfD) partiyasından Kristina Baum oldu. O, fiziki toxunulmazlıq haqqına istinadla, bunun “ölümdən sonra da davam etdiyini” vurğuladı. "Bizim çıxaracağımız nəticə yalnız orqan bağışına aktiv razılıq prinsipinin qorunmasıdır," - deyə o bildirdi. Kristina Baum qanun dəyişikliyinin beynəlxalq qanunsuz orqan ticarətini təşviq edəcəyini iddia edib.

Orqan bağışı mənə necə həyat verdi

Bu videonu izləmək üçün zəhmət olmasa JavaScript-i aktiv edin və HTML5 videonu dəstəkləyən brauzerə keçid edin HTML5 videonu dəstəkləyən brauzer

Almaniya bu məsələdə Avropada demək olar ki, təkdir. Fransa, İtaliya, Avstriya, İspaniya, Niderland, Belçika, Polşa və Portuqaliya “imtina” sistemini tətbiq edir.

Alman Orqan Təchizatı Təşkilatının (DSO) məlumatına görə, 2025-ci ildə Almanyada donor orqanı gözləyərkən 633 nəfər vəfat edib. Hazırda isə 8.200-dən çox adam həyatı xilas edən donor orqanına ümid edir. Onların çoxu böyrək üçün gözləyir. Orta gözləmə müddəti təxminən səkkiz ildir.

Opt.Ink orqan donor tatuajı

Opt.Ink təşəbbüsünün həmtəsisçisi Anqela İpax deyir ki, qanun dəyişikliyi gecikir və 2020-ci ildə razılaşdırılan kompromis heç nəyi dəyişməyib. "Bundestaqda son səsvermədən altı il keçir və rəqəmlər dəyişməyib," - deyə o iyunun əvvəllərində DW-yə bildirib. "Çoxlu adam həyatını itirib. Hər hansı başqa sahədə altı il ərzində irəliləyiş olmaması mümkündürmü? Təsəvvür edilən razılıq sisteminə qarşı olanlar indi effektiv həll təklif etməlidir."

Opt.Ink kampaniyası könüllüləri orqan donor olduqlarını göstərən tatuaj etdirməyə dəvət edir. Bu tatuaj O və D hərflərinə bənzəyən dairə və iki yarım dairədən ibarətdir. Təşkilatın məlumatına görə, hazırda təxminən 30 min adam belə tatuaja malikdir.

Opt.Ink kampaniya qrupu könüllüləri orqan donor olduqlarını göstərən tatuaj etdirməyə dəvət edir Şəkil: Dirk Laessig

Dəyişiklik tərəfdarı daha bir kampaniyaçı Frank Loqemann Hannover Tibb Universitetində transplantasiya koordinatordur. O, beyin ölümü ehtimalı olan xəstələrdə həyat yoldaşları və ya uşaqları ilə söhbət açmalıdır. Loqemannın dediyinə görə, bu söhbət üçün ideal vaxt yoxdur. Bu problem sayılır, çünki çox vaxt yaxınlar ölümdən sonra orqanların istifadəsinə icazə vermir.

"Ən vacib məqam kədərlənmə prosesinin əvvəlində ailə ilə əlaqə qurmaq və ağır xəstənin orqan donor olmaq istəyib-istəmədiyini anlamaqdır," - deyə Loqemann DW-yə bildirib. "Beyin ölümü təsdiqlənib və yalnız o vaxt bu söhbətə başlanılırsa, artıq gec olur."