Çin Xarici İşlər Nazirliyindən verilən məlumata görə, ABŞ Prezidenti Donald Tramp (Donald Trump) Çin Xalq Respublikasının Sədri Si Cinpinin (Xi Jinping) dəvəti ilə mayın 13-dən 15-dək Pekinə rəsmi səfər edəcək.

ABŞ tərəfinin daha əvvəl elan etdiyi səfər, Çinin açıqlaması ilə təsdiqlənib.

Tramp 8,5 il sonra Çinə səfər edir. ABŞ-ın əvvəlki Prezidenti Co Bayden (Joe Biden) Çinə səfər etməmişdi. ABŞ-dan Çinə lider səviyyəsində son səfər Trampın ilk hakimiyyəti dövründə, 2017-ci ildə baş tutmuşdu.

ABŞ Prezidenti Tramp, Yaxın Şərqdə ABŞ və İsrailin İrana hücumu ilə başlayan və İranın qisas tədbirləri ilə gərginləşən müharibənin hələ də həll olunmadığı bir dövrdə strateji rəqibi Çinə kritik bir səfər edəcək.

Daha əvvəl martın 31-dən aprelin 2-dək keçiriləcəyi bildirilən, lakin ABŞ Prezidentinin İranla müharibəyə diqqət yetirməli olduğu səbəbiylə təxirə salınan səfərdə, Yaxın Şərqdəki müharibənin əhəmiyyətli bir gündəm maddəsi olacağı proqnozlaşdırılır.

ABŞ ilə Çin arasında münasibətlər, Trampın ikinci hakimiyyəti dövründə bir tərəfdən Vaşinqton administrasiyasının tarif artımları və texnologiya sahəsindəki məhdudiyyətləri, digər tərəfdən isə Çinin qlobal tədarükün böyük hissəsini qarşıladığı nadir torpaq elementlərinə nəzarət üçün atdığı addımlarla genişlənən bir sıra mübahisələrlə düyünə düşmüşdü.

Səfər zamanı tərəflərin iqtisadiyyat və ticarət məsələləri ilə yanaşı, ABŞ-ın son dövrlərdə böyük həcmdə silah satışlarına icazə verdiyi, Çinlə suverenlik mübahisəsində olan Tayvanla bağlı problemləri də müzakirə edəcəyi gözlənilir.