ABŞ Hərbi Dəniz Donanmasına aid nüvə enerjili təyyarədaşıyan gəmi USS Abraham Lincoln 9,5 ay dənizdə olduqdan sonra ekipajın ilk liman səfəri kimi Taylandın şərqində Laem Chabang limanına yanaşıb. Bu, Yaxın Şərqdə tədarük problemləri, psixi sağlamlıq vəziyyətlərinin pis olması və gəmidə azalan yüksək əhval-ruhiyyə fonunda yorucu missiyadan sonra baş verib.

5 min nəfərlik heyətlə xidmət edən gəmi çərşənbə axşamı səhər Taylandın Çonburi əyalətindəki limana daxil olub. USS Frank E Petersen Jr. destroyeri və digər ABŞ hərbi gəmiləri onu müşayiət edib.

Günün ikinci yarısında Taylandın paytaxtı Banqkokdan 150 kilometr cənub-şərqdə yerləşən kurort şəhəri Pattayadakı otelə sadə geyimli dənizçilər və əsgərlər avtobusla gəliblər. Tayland rəsmiləri gəminin dayanmasının Amerika bazasına qayıtmadan əvvəl istirahət və bərpa məqsədilə olduğunu açıqlayıb.

USS Abraham Lincoln ABŞ-İsrail müharibəsi zamanı İran üzərində ABŞ hərbi blokadasını və döyüş əməliyyatlarını təmin edib.

Ekipaj üzvləri şərh verməsə də, gəminin köhnəlmiş gövdəsi diqqət çəkib. AP-nin jurnalistləri gəminin ən azı yeni boya işinə ehtiyacı olduğunu, su xəttində və aviasiya meydançasının kənarında parkinqdə olan təyyarələrin yaxud vertolyotların yerləşdiyi yerlərdə böyük pas ləkələrinin olduğunu qeyd edib.

Gəmiyə aid solğun görünüş barədə sual verildikdə, gəmiyə komandir kapitan Dan Kilər “uzun müddətli missiyalar üçün normaldır” deyib və əlavə şərh verməkdən imtina edib.

ABŞ Prezidenti Donald Tramp gəmiyə aid ekipajın ailələrinin uzun missiya barədə narahatlıqlarını rədd edib. Dəniz missiyaları standart olaraq 6-9 ay çəkir və yalnız münaqişə dövründə uzadılır. Bir neçə həftə əvvəl Air Force One-ın əsas bazası olan Joint Base Andrews-da jurnalistlər prezidentdən Lincoln-un dənizdə uzun müddət qalması barədə soruşublar. Tramp cavabında “Xeyr, hələ çox qısa müddətdir” deyib.

Trampın əvvəlki açıqlamaları barədə komandri soruşanda o, “Prezident özünü ifadə edir” deyib və əlavə edib: “Mən də belə düşünürəm.”

Dənizçilər və əsgərlərin Taylandda bir neçə gün istirahət etməsi planlaşdırılır.

Üçüncü Təyyarədaşıyan Qrupun komandiri, arxa admiral Robert İ. Laqrən açıqlamasında bildirib: “Laem Chabang limanına gəlişimiz dənizçilərimiz və əsgərlərimiz üçün istirahət və enerji toplamaq üçün haqq etdikləri fürsətdir. Bu qrup tarix yazıb. Əməliyyatlarda hər bir üzvün peşəkarlığı və bacarığı ilə fəxr edirəm.”

Tramp ikinci dönəmində uzun və xərcli hərbi münaqişələrdən uzaq duracağını söz verib. İranla İsrailin birgə müharibəsini başladandan sonra prezident və müşavirləri münaqişənin yalnız bir neçə həftə davam edəcəyini demişdilər. Lakin müharibə yeddinci ayına daxil olub.