Türkiyə Prezidenti Rəcəb Tayyib Ərdoğanın imzaladığı və 5 sentyabrda Rəsmi Qəzetdə yayımlanan qərarlara əsasən, 12 ölkəyə yeni səfirlər təyin edilib.

Prezident müşaviri Necati Sancaktutan Bahreynə səfir təyin olunub. Ayşe Hilal Sayan Koytak isə Finlandiyaya göndərilib.

Hüseyin Ergani Oman, Kaan Esener Filippinlər, Fatih Yıldız Cənubi Koreyaya səfir kimi təyin olunub.

Sudandakı vəzifəsinə Türkiyənin Qambiya səfiri Fahri Türker Oba gətirilib, Özgür Gökmen isə Qambiyaya səfir təyin olunub.

Alper Aktaş Somali səfirliyindən Şimali Makedoniyaya göndərilib, Ferhat Alkan isə Mozambikdən Somali səfirliyinə keçib. Ayça Oşafoğlu İnam Mozambikə səfir təyin olunub.

Haydar Kerem Divanlıoğlu Burundiyə, Fikriye Aslı Güven isə Namibiyaya səfir seçilib. Burundiyə və Şimali Makedoniyaya əvvəlki səfirlər, Alp Işıklı və Fatih Ulusoy isə Xarici İşlər Nazirliyinin mərkəzinə çağırılıb.

Bununla yanaşı, Xarici İşlər Nazirliyində bir sıra yüksək vəzifələrə təyin olunub.

Rıza Hakan Tekin Suriyaya olan əlaqələr üzrə baş direktor, Levent Eler isə şimal-şərqi Aralıq dənizi üzrə məsul təyin edilib.

Volkan Işıkcı Qərbi və Mərkəzi Afrika işlərinə, Yönet Can Tezel isə Cənubi Afrika və çoxistiqamətli Afrika işlərinə rəhbərlik edəcək.

Sadık Babür Girgin humanitar və texniki yardımlar üzrə baş direktor, Polat Safi isə ictimai diplomatiya və strateji kommunikasiya üzrə baş direktor təyin olunub.

Esin Çakıl konsulluq xidmətləri və Türkiyə vətəndaşları üzrə, Reyhan Özgür isə miqrasiya siyasəti və viza prosedurları üzrə məsul olacaq.

Ertan Yalçın protokol və diplomatik işlərə, Ülkü Kocaefe xaricdə təşviqat və mədəniyyət işlərinə, Tufan Büyükuzun isə kadr məsələlərinə rəhbərlik edəcək. Burcu Aykut strategiya inkişafının rəhbəri təyin olunub.