Səhmləri Zscaler NASDAQ bazarında ticarət saatları bitdikdən sonra zəif gəlir proqnozu ilə təzyiq altında qalıb. Şirkət 2026-cı ilin üçüncü rübü üçün satışların artımında zəif göstərici açıqlayıb. Bunun nəticəsində səhmlər 30%-dən çox ucuzlaşıb və qiyməti son il ərzində təxminən yarıbayarı azalıb.

Şirkətin maliyyə nəticələrinə və perspektivlərinə nəzər salaq. Bu azalma alqı üçün münasib fürsət ola bilərmi, araşdıraq.

Zscaler rəhbərliyi zəif proqnoz açıqlayıb

Zscaler gözləntiləri üstələyən nəticələr göstərsə də, rəhbərliyin gələcək üçün verdiyi ehtiyatlı proqnoz və iki əsas satış rəhbərinin istefası investorları narahat edib. Dördüncü rübdə gəlirin illik 22% artacağı və 875-878 milyon dollar aralığında olacağı gözlənilir. Bu, Visible Alpha tərəfindən toplanmış 878,6 milyon dollarlıq konsensusdan bir qədər aşağıdır.

2027-ci maliyyə ili üçün illik təkrarlanan gəlirin (ARR) 16-17% artacağı proqnozlaşdırılır ki, bu da gözləntilərdən azdır. Şirkət proqnozun ehtiyatlı olmasını satış rəhbərliyində baş verən dəyişikliklərlə və yeni müştəri cəlbində yaşanan çətinliklərlə əlaqələndirib.

Qeyd etmək lazımdır ki, Zscaler-in satın aldığı Red Canary müsbət nəticələr göstərir və əvvəlki proqnozu üstələyir. 2026-cı maliyyə ili üçün Red Canary-dən əldə ediləcək ARR 136 milyon dollar proqnozlaşdırılır. Bu əvvəlki 130 milyon dollarlıq proqnozdan yüksəkdir. Lakin həmin istisna ilə şirkətin əsas biznesinin yeni illik ARR artımı yalnız 9,5% olacaq.

Əsas müştərilərlə genişlənmə sahəsində şirkət uğur qazanıb. Son 12 ayda net dollar retention göstəricisi 115% səviyyəsində olub. Süni intellekt əsaslı həllər isə bu artıma təkan verir. Xüsusilə, AI Protect illik 100 milyon dollardan çox sifariş alır.

Şirkətin Z-Flex müqavilələrinin dəyəri artıq 1 milyard dolları ötüb. Onun 480 milyon dollarlıq hissəsi yalnız üçüncü rübə aiddir. Z-Flex kredit əsaslı lisenziya modelidir və müştərilərə təhlükəsizlik modullarını əlavə etmək, genişləndirmək və ya dəyişdirmək imkanı verir.

Zscaler-in maliyyə göstəricilərini incələsək, gəlir illik 25% artaraq 850,5 milyon dollara çatıb. Bu, rəhbərliyin əvvəlcə verdiyi 834-836 milyon dollarlıq proqnozdan xeyli yüksəkdir. ARR 25% artaraq 3,525 milyard dollar olub, Red Canary istisna edildiqda isə 21% artım qeydə alınıb.

Düzəliş edilmiş səhm başına gəlir (EPS) 1,08 dollara yüksəlib. Bu göstərici bir il əvvəlki 0,84 dollardan və şirkətin 1,00-1,01 dollar arası proqnozundan daha yaxşıdır.