Ukrayna "Patriot" sistemlərinin raketlərini tükədib

Ukrayna Amerika sistemləri olan "Patriot"un raketani tam tükədib.

Mənbə: The Washington Post, iki ukraynalı rəsmiyə və NATO-nun nümayəndəsinə istinad edir.

Məlumatlara görə, oktyabrın 7-nə Ukraynada "Patriot" üçün cəmi 10 raket qalıb.

"Onlar hücumların dəf edilməsində istifadə olunub. İndi isə bir neçə raket qalıb", - ukraynalı rəsmi bildirib.

"Ukraynanın hava müdafiə sisteminin vəziyyətinin pisləşməsi ilə bağlı bilgisi olan başqa bir mənbə qeyd edir ki, ölkə bu yüksək texnologiyalı, Rusiya ballistik raketlərinin qarşısını almaq üçün kritik əhəmiyyətli silahını tükədib."

Ukraynalı rəsmi vəziyyəti çox gərgin kimi qiymətləndirib.

CNN telekanalı da ukraynalı "Patriot" raket ehtiyatlarının tükənməsini açıqlayıb. Onların mənbəsinə görə, ehtiyatın azlığı səbəbindən Ukraynanın hava müdafiəsi son kütləvi hücum zamanı Rusiya ballistik hədəflərini tutmağa nail olmayıb.

Yaxın Şərqdə ABŞ prezident Donlad Trampın başlatdığı müharibə səbəbindən dünyada raket ehtiyatları sürətlə azalıb. ABŞ İranla müharibənin ilk ayında "Patriot" və THAAD sistemləri üçün minlərlə raket istifadə edib.

Vaşinqton onların istehsalını sürətləndirməyi prioritet elan edib, lakin bir raketin hazırlanması 36 aya qədər çəkə bilir.

Daha əvvəl, Ukraynaya raketlər "Ukraynanın Prioritet Ehtiyaclar Siyahısı" (PURL) proqramı çərçivəsində daxil olub. Bu proqramda Avropa ölkələri Amerika silahlarını ödəyir.

NATO-nun yüksək rütbəli anonim nümayəndəsi bildirib ki, proqram işləməyə davam edir və "Patriot" kimi hava müdafiə raketləri tədarükü davam edir.

Eyni zamanda, ukraynalı rəsmi bu yardımın xarakteri ilə bağlı fərziyyələr irəli sürüb.

"May ayından tədarük nizamsızdır və hazırda heç kim partiyanın həqiqətən göndəriləcəyinə zəmanət verə bilmir", - o qeyd edib.

Prezident Vladimir Zelenski 2026-cı ilin yay və payız aylarında dəfələrlə tərəfdaşlara "Patriot" raketlərinin tədarükünü təcili artırmaq çağırışı edib. Avqustda o vurğulayıb ki, təhlükəsiz qış keçirmək üçün Ukraynaya 300-360 raket lazımdır. Lakin Qərbdən tədarük kəskin azalıb: 2023-də 675 raketdən 2025-də 364-ə, 2026-da isə planlaşdırılan yalnız 264-ə düşüb.

Bəzi KİV-lərin məlumatına görə, Yunanıstan və İspaniya hökumətləri "Patriot" raketlərini Ukraynaya vermək əvəzinə, istifadə müddəti yaxınlaşan raketləri anbarlarında saxlayır.