UEFA Gənclər Liqası: "Sabah"ın U-19 komandası növbəti oyununu keçirəcək

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

"Sabah" klubunun 19 yaşadək futbolçulardan ibarət komandası UEFA Gənclər Liqasında növbəti oyununa bu gün çıxacaq.

"Report"un məlumatına görə, Adino Mustedanaqiçin baş məşqçi olduğu kollektiv Bakıda Çexiya təmsilçisi "Slaviya"nın müvafiq yaş qrupundan ibarət komandası ilə üz-üzə gələcək.

Qarşılaşma Əlincə stadionunda, saat 15:00-da start götürəcək. Matçın baş hakimi norveçli Marius Hansen Qrotta olacaq.

Xatırladaq ki, "Sabah"ın U-19 kollektivi I turda İngiltərədə "Mançester Yunayted"ə beş cavabsız qolla uduzub. "Slaviya" isə evdə "Lans"dan üstün olub - 2:1.