True Religion yeni mərhələyə başlayıb. əvvəllər premium denim kimi tanınan brend son illərdə daha əlçatan qiymətlərlə geniş həyat tərzi biznesinə çevrilib.

Brend 200-300 dollarlıq cins şalvar satarkən potensial müştəri sayı təxminən 10-15 milyon arası idi. İndi isə brend 30-80 dollarlıq denim məhsulları təqdim edir və təxminən 110 milyonluq “şəhərli rahat” istehlakçı qrupunu hədəfləyir.

True Religion-un icraçı direktoru Maykl Bakli WWD Voices for Retail RX proqramında Hilko Qlobal Kapital Həlləri CEO-su İan Frederikslə görüşündə deyib ki, “İndi auditoriyamız daha kütləvidir, bir neçə il əvvəlki niş lüks müştərilərdən fərqlidir.”

Kütləvi auditoriyaya keçidlə brendin pərakəndə satış strukturu da dəyişib. O, yüksək səviyyəli ticarət mərkəzlərindən uzaqlaşıb və Pacsun, Urban Outfitters, Melis və Bakl kimi hədəf kütləsinin alış etdiyi yerlərə yönəlib.

Satışların təxminən üçdə ikisi brendə məxsus mağazalardan gəlir. Onun 39 faizi isə True Religion-un elektron satış saytından əldə edilir. Omnikanal modeli daxilində brend fiziki mağazalara da sərmayə qoyur. Bu ilin sonunda 61 özəl mağazası olacaq və növbəti 4-5 ildə mağaza sayı təxminən 150-yə yüksələcək. Maykl Bakli deyib ki, mağazalara sərmayənin gəlirliliyi onları daha çox mağaza açmağa inandırır.

“Hər yeni mağazanın sərmayəsinin geri dönüşü bir il və ya ondan az vaxt çəkir, bu da daha çox yer açmaq üçün bizə güvən verir,” Bakli vurğulayıb. “Bizim mağazalar brendin vitrini olmaqla yanaşı, marketinq fəaliyyətidir və həm də kommersiya gəliri gətirir.”

True Religion-un Y2K dövründən dəyişməyən xüsusiyyəti məşhur pərəstişkarlarıdır. Əvvəl Britney Spirs və Paris Hilton kimi məşhurlar onun pərəstişkarları idi. İndi isə brend Klayi Cenner, Timoti Şalame kimi tanınmış simalarda görünür. Eyni zamanda Anitta və Megan Thee Stallion kimi musiqi sənəti ulduzları ilə əməkdaşlıq edir. Yaxınlarda isə skandinav pop ulduzu Zara Larsson ilə kampaniya başlayıb və bir neçə həftəyə yüz milyonlarla baxış toplayıb.

Satışlar artır. Ötən il brend 470 milyon dollar xalis satış edib, bu il isə satışlar 525 milyon dolları keçəcək. Bakli deyib ki, brend milyard dollarlıq gəlir yolundadır və gələcəkdə multiplyard dollarlıq brendə çevrilə bilər.

“Biz hələ brendin başlanğıcındayıq, qarşıda True Religion üçün çox plan var,” o bildirib.

Bu epizodda Bakli True Religion-un marketinq strategiyasını, tədarük zənciri problemlərini necə aşmasını və Gen Z-nin fiziki mağazaların canlanmasındakı rolunu şərh edir.