Elon Muskın yeni robot avtomobili ənənəvi təhlükəsizlik xüsusiyyətlərinin olmaması səbəbindən federal tənzimləyicilər tərəfindən araşdırılır. Bu xüsusiyyətlərin bir çoxu qanunla tələb olunur.

ABŞ Milli Yol Nəqliyyatı Təhlükəsizliyi İdarəsi (NHTSA) Tesla Cybercab üçün yoxlama sorğusu açaraq şirkətin Cybercabı sertifikatlaşdırarkən istifadə etdiyi proses və texniki məlumatları gözdən keçirir. Araşdırmanın əsas səbəbi yan güzgülər, pedal və sükan kimi müəyyən dizayn elementlərinin olmamasıdır. Bunların hamısı Federal Motorlu Nəqliyyat Vasitələri Təhlükəsizlik Standartları (FMVSS) çərçivəsində tələb edilir.

NHTSA açıqlayıb ki, araşdırmada Tesla-nın Cybercab üçün tətbiq olunmayan bəzi FMVSS qaydalarına əsaslanıb-əsaslanmaması məsələsi də diqqətə alınacaq. Şirkətin bu qaydalardan azad olunmaq üçün müraciət etmədiyi düşünülür ki, bu da araşdırmaya səbəb olub.

Araşdırma təxminən 1,000 Cybercab modelini əhatə edir, amma həmin say nə dərəcədə realdır, məlum deyil. Hazırda Texas Motor Nəqliyyat Departamentində Tesla-nın 45 Cybercab modeli qeydiyyatdadır.

Şirkət perşənbə günü Austin şəhərində Cybercabın ictimai təqdimatına həsr olunmuş gizli tədbir keçirib. Tesla avtomobili Robotaksi xidməti çərçivəsində digər şəhərlərdə işə salmağı, həmçinin Cybercabı fərdi müştərilərə təxminən 30 min dollar qiymətə satmağı planlaşdırır.

ABŞ-da avtomobil istehsalçıları FMVSS standartlarına riayət etdiklərini özləri təsdiqləyir. Əgər avtomobildə qanunla tələb olunan təhlükəsizlik xüsusiyyətləri çatışmazlıqları aşkarlanarsa, NHTSA həmin təsdiqləmə prosesini araşdırmağa başlayır. Bu, istehsalın dayandırılmasına səbəb olmur, amma avtomobilin gələcək imkanlarını təhlükə altına qoyur.

2024-cü ildə Amazonun Zoox şirkətinin süni intellektli, sükansız avtomobili də oxşar araşdırmaya məruz qalıb. Araşdırma müddətində Zoox avtomobilləri yalnız nümayiş üçün istifadə oluna bilib və sərnişinlərdən ödəniş alınmayıb. NHTSA şirkətə sərnişinlərdən ödəniş almaq icazəsini iki il sonra, 2026-cı ilin iyulunda verib.

Bu vəziyyət Tesla Cybercabda sərnişinlərdən ödəniş alınmasına araşdırma ərzində icazə verilib-verilməyəcəyinə dair suallar doğurur. Elon Musk Tramp administrasiyası ilə dost olsa da, NHTSA-nı idarə edən Nəqliyyat naziri Şon Daffi ilə münasibətləri sərt deyil. Muskın ona "Sean Dummy" deyə müraciət etdiyi xəbər verilir. Buna görə də Tesla üçün əlverişli rəftar gözləmək çətindir, hətta CEO böyük Respublikaçı donor olsa belə.

NHTSA-nın Tesla ilə bağlı başqa araşdırmaları da var. Hazırda agentlik 3,2 milyon Full Self-Driving funksiyalı Tesla avtomobilini araşdırır ki, bu da geri çağırışa gətirib çıxara bilər. Bu isə Muskın məhsullarında qaydaları pozarkən əvvəlcədən icazə istəməyib sonra bağışlanmağı gözləmək yanaşması ilə uyğun gəlir.