Brandenburg əyalətinin Jənşvald şəhərində kömürlə işləyən istilik elektrik stansiyası yanında naməlum şəxslər enerji təchizatına hücum edib və qismən məqsədlərinə nail olublar. Eyni gün axşam isə Köln yaxınlığındakı yarımstansiyada sabotaj səbəbindən enerji təchizatında pozulma baş verib.

Bavariya əyalətinin Augsburg şəhərində isə dəmir yolu stansiyası yaxınlığında əl qumbarasının partlaması nəticəsində partlayış olub.

Münhendə gecə vaxtı bir neçə yandırıcı qurğu müdafiə şirkətlərinə yaxın tikinti sahəsinə atılıb. Eyni gün axşam Dormagen şəhərində, Köln və Düsseldorf arasında yerləşən enerji yarımstansiyasında şübhəli obyekt tapılıb. Hadisəyə görə məsuliyyət tələb edən bildiriş daxil olub.

İlin əvvəlindən 160 sabotaj cəhdi

Hər bu hadisələrin hədəfi kritik infrastruktur – enerji obyektləri, dəmir yolu şəbəkəsi, milli təhlükəsizlik və müdafiə üçün strateji əhəmiyyətə malik şirkətlər olub. Bu obyektlərin tam şəkildə qorunması çətindir. Federal Cinayət Polisi (BKA) daxili sənədlərə əsasən bildirir ki, bu ilin əvvəlindən 160 sabotaj cəhdi və 700-dən çox şübhəli pilotsuz uçuş qeydə alınıb.

Berlin sakinləri Rusiyadan narahatdır

Hadisələrin tez-tez baş verməsi insanlarda davamlı təhlükə hissi yaradıb. Berlin küçələrində sakinlər bildiriblər ki, mövzu haqqında az danışılır, çünki insanlar qorxur və bu haqda fikirləşmək istəmirlər. Başqa bir şəxs isə ölkənin hücuma məruz qaldığını bilməyin vacibliyini vurğulayır. Onun yaxın dostları Russiyadandır və baş verənləri izləmək onun üçün çox acıldır.

Almaniyanın mülki müdafiəsi hazırdırmı?

Rusiyanın bu hücumlarda rolu geniş qəbul edilir. Bavariyanın daxili işlər naziri Aleksandr Dobrindt ilə xarici işlər naziri Yohann Vadeful Almaniyanın Rusiyanı Halle/Leipziq hava limanına hücumda ittiham etdiyini açıqlayıblar.

Hökumət Rusiyanın Bonn şəhərindəki konsulluğunu bağlayıb və Berlindəki "Rusiya Evi"nin icarəsini dayandırıb. Moskva isə cavab olaraq Moskvadakı "Goethe İnstitut"unu bağlayıb. Almaniya ilə Rusiya arasındakı münasibətlər uzun illərin ən aşağı səviyyəsindədir.

Ötən il kansler Fridrix Merts bildirmişdi: "Biz artıq sülh içində deyilik, amma müharibədə də deyilik".

Rusiyanın Ukraynaya tammiqyaslı hücumundan sonra Almaniya həm maliyyə, həm müdafiə dəstəyi ilə Ukraynanı dəstəkləyir. Hökumət müharibədə tərəf olmadıqlarını bir neçə dəfə bildirib.

Alman ordusunun silahlanması sürətlənir

Uzun müddət azaldılmış Bundesver Rusiyanın Avropanın mərkəzi hissəsinə təhlükə yarada biləcəyi qorxusu ilə sürətlə silahlanır.

Alman təhlükəsizlik eksperti Sönke Marahrens hibrid müharibə taktikalarının vacib rolunu vurğulayır. Onun sözlərinə görə, xarici dövlətlər və təşkilatlar diplomatiyadan çox sabotaj, dezinformasiya və kritik obyektlərə hücumlarla məqsədlərinə çatırlar.

Marahrens əlavə edib ki, vəziyyəti müharibə kimi təsvir etmək çətindir.

Özəl şirkətlər təhlükəsizliyini gücləndirməlidir

Bütün hücumların Rusiyanın işi olmadığına da diqqət çəkilir. Məsələn, ötən ilin əvvəlində Berlinin cənub-qərbində kabel körpüsünə hücum nəticəsində soyuq havada minlərlə insan uzun müddət enerjisiz qalıb. O vaxt məsuliyyət ekstremistlər üzərinə atılıb, amma hadisənin səbəbi hələ də tam məlum deyil.

Almaniyada bu cür hücumlara qarşı müdafiə müzakirə olunur. Bu ilin yazında "KRITIS" qanunu qəbul olunub, hansı ki kritik infrastrukturların qorunmasını gücləndirməlidir, ancaq qanun hələ qüvvəyə minməyib.

Şimali Reyn-Vestfaliya daxili işlər naziri Herbert Reul bildirib ki, kritik obyektlərin, o cümlədən özəl şirkətlərə məxsus olanların video nəzarəti mümkündür, lakin ətraf mühitin qorunması polisin səlahiyyətindədir. O, Almaniyada video nəzarət və şəxsi azadlıqlar məsələlərinə həssas yanaşmanın olduğunu qeyd edib.

Almaniya Polis İttifaqının sədrı Heyko Teggats isə kritik infrastrukturun əsas məsuliyyətinin polisdə deyil, obyektlərin özündə olduğunu deyib. Onun sözlərinə görə, texniki imkanlarda problem yoxdur, investisiya iradəsində çatışmazlıq var.