Tesla günəş damı (Solar Roof) layihəsini dayandırıb. Electrek xəbər verir ki, şirkətin yaxın mənbələri üçüncü tərəf quraşdırıcı şəbəkəsinə günəş damını artıq sifariş etməyin mümkün olmadığını deyib. İndi yalnız ənənəvi günəş panelləri təklif olunacaq.

Tesla məhsulu rəsmi şəkildə ləğv etməsə də, veb-saytdakı yeniliklər bu məlumatı təsdiqləyir. Təxminən on il əvvəl istifadəyə verilən Solar Roof səhifəsi avtomatik olaraq Tesla-nın günəş panelləri bölməsinə yönləndirilir. Həmçinin Tesla Energy məhsullarının menyusunda Solar Roof seçimi yoxdur. Hal-hazırda şirkətin təklif etdiyi məhsullar günəş panelləri, Powerwall və Megapack-dır.

Tesla Solar Roof layihəsini 2016-cı ildə təqdim edib, lakin kütləvi istehsala 2020-ci ilin martında başlayıb. Layihə heç vaxt uğurlu sayıla bilməyib. CEO İlon Mask 2021-ci ildə Solar Roof-la bağlı "əlavə xərc və gecikmələrə səbəb olan əhəmiyyətli səhvlər" olduğunu etiraf edib. 2023-cü ildə "Wood Mackenzie" hesabatında bildirilib ki, günəş damının ABŞ-da yalnız 3 min evə quraşdırılması Tesla-nın həftədə 1 min quraşdırma hədəfindən xeyli aşağıdır.

Electrek-in məlumatına görə, Tesla Solar Roof-un şirkət üçün maliyyə baxımından sərfəli olmadığını hesab edir. Şirkət isə adi günəş panellərində daha yaxşı nəticələr əldə edir və Texas ştatının Hjuston şəhəri yaxınlığında 10 milyard dollar dəyərində yeni zavod tikməyi planlaşdırır.