Teksas ştatının Midland şəhərində baş vermiş atışmada ən azı bir nəfər ölüb, doqquz nəfər isə xəstəxanaya yerləşdirilib. Rəsmi orqanlar bildirir ki, şübhəli şəxs polis ilə atışmadan sonra öldürülüb.

Hadisə cümə səhəri baş verib. Yerli sakinlər Associated Press informasiya agentliyinə təxminən 40 güllə səsləri eşidildiyini deyiblər.

Şəhər hakimiyyəti sosial şəbəkədə verdiyi açıqlamada hadisə yerinin hələ də aktiv olduğunu, şübhəli şəxsin isə bir neçə saatlıq mühasirədən sonra öldüyünün təsdiqləndiyini yazıb.

“Aktiv atışma insidenti sona çatıb, şübhəli şəxsin öldüyü təsdiqlənib,” açıqlamada qeyd olunub. “Hadisə yeri hələ də nəzarətdədir və tam təmizlənməyib. Araşdırmalar davam etdiyindən yolların bağlanması yaxın zamanda da davam edə bilər.”

Midland Memorial Hospital dörd yaralının əməliyyat olunduğunu, digər beş nəfərin vəziyyətinin sabit olduğunu açıqlayıb.

Bələdiyyə sədri Lori Blong mətbuat konfransında bildirib: “Düşüncələrimiz və dualarımız qurbanlarla və onların ailələri ilədir.”