Snap-ın uzun müddətdir hazırlanmış AR eynəkləri Specs təqdimatla uğurlu başlanğıc etmədi.

Şirkətin səhm qiyməti son vaxtlar sağlam trayektoriyada deyildi. Ötən il ərzində 30 faiz dəyər itirib. Specs-in təqdimatından sonra isə 5 faizdən çox azalararaq çərşənbə axşamı $5.86 olan səhmləri çərşənbə səhəri $4.83-ə düşüb. Yazı zamanı səhmlər əvvəlki səviyyəsini bərpa etməyib.

Snap-ın on ildən artıq üzərində işlədiyi yeni ağıllı eynəklərin əsas narahatlıq mənbəyi qiymətdir: şirkət onların hər birini təxminən 2 min 200 dollara satacağını bildirir.

Əsas istifadəçi qrupunu təşkil edən yeniyetmələrin adətən bu qədər pulun əlində olmaması yeni məhsulun gəlirlilik perspektivinə sual yaradır.

Şirkətin CEO-su Evan Spiegel çərşənbə axşamı CNBC-yə müsahibəsində (müsahibədə yeni eynəkləri taxmışdı) yüksək qiymət haqqında sualı belə cavablandırıb: “Specs-i ən önəmli şəkildə kompüter kimi düşünmək lazımdır, ona görə də qiyməti digər yüksək səviyyəli kompüterlər və noutbuklarla müqayisə oluna bilər.”

O, Specs-in AR bazarında Meta-nın Ray-Ban kimi aşağı qiymətli, lakin hesablama gücü az olan eynəklərlə Apple Vision Pro kimi iri və güclü, amma daha baha başlıq cihazları arasında unikal yer tutduğunu vurğulayıb.

Spiegel məhsulu həm “yüksək geyilə bilən, həm də dərin hesablama üçün inanılmaz qabiliyyətli” kimi təsvir edib.