Sietlin Space Needle yaxınlığında keçirilən qida festivalında atışma baş verib, nəticədə üç nəfər ölüb və bir neçə nəfər yaralanıb.

Polis bildirir ki, hadisədə iki şübhəli bir-birilərinə atəş açıb. Onlardan biri həbs olunub, digəri isə hələ axtarışdadır. Lakin rəsmilər ictimaiyyət üçün təhlükə olmadığını vurğulayıb.

Atışma yerli vaxtla saat 18:00 radələrində, şəhərin ən məşhur turizm məkanlarından birində, illik "Bite of Seattle" qida festivalı zamanı baş verib və bu festival səbəbindən mərkəzə daha çox insan toplaşmışdı.

Hadisə yerində iki nəfərin öldüyü təsdiqlənib, üçüncüsü isə xəstəxanada dünyasını dəyişib. Yaralılardan biri iki yaşlı uşaqdır.

İnternetdə yayılan videolarda insanları atəş zamanı Space Needle daxilində sığınacaq axtararkən görmək mümkündür.

Atışma zamanı insanlar yerə çömbəlmiş, qolonlar və məhsulların rəflərinin arxasında gizlənmişdilər.

Faith Adia Hunter Associated Press-ə bildirib ki, atəş açılan zaman hunlardan biri onun və dostlarının yaxınlığında olub və onlar Seattle Uşaq Muzeyinə qaçıblar.

"Hadisə başlayanda onun tam yanında idik, ona görə də qaçıb binalara girdik," o deyib.

Sietl Polis İdarəsi hazırda araşdırmanın davam etdiyini və insanlara həmin ərazidən uzaqlaşmağı tövsiyə etdiyini açıqlayıb.

Şəhər meri Keti Wilson bildirib ki, o, hadisə yerinə müdaxilə edən polis əməkdaşlarına təşəkkürünü bildirir və bir şübhəlini həbs etdiklərini əlavə edib.

Əvvəlcə iki şübhəlini saxladıqlarını deyən Wilson günün sonunda açıqlamasını tənzimləyib.

Yanğınsöndürmə idarəsi bildirib ki, yaralılardan dördü xəstəxanaya sabit vəziyyətdə yerləşdirilib, bir nəfər öz istəyi ilə xəstəxanaya getməyib.

Sakinlərdən biri media nümayəndələrinə deyib ki, hadisə yerində tam xaos yaşanıb.

Sietl və Vaşinqton rəsmiləri atışmanı “mənasız zorakılıq” aktı kimi pisləyib.

Vaşinqton qubernatoru Bob Ferguson sosial mediada deyib: “Dua edirəm ki, qurbanların ailələrinə və hadisəyə müdaxilə edənlərə güc verilsin”.

Sietlin nümayəndəsi, konqresmen Pramila Ceyapal əlavə edib: “Mənasız zorakılıqdan zərər çəkənlərə ürəkdən başsağlığı verirəm. Sietl meri Keti Wilson və Vaşinqton qubernatoru Bob Fergusonla sıx əlaqədəyik və vəziyyət barədə hökumətin bir neçə səviyyəsində koordinasiya aparırıq”.

Keti Wilson da atışmanı “dəhşətli zorakılıq aktı” kimi qınadı.

O vurğulayıb: “Zərər çəkən ailələr həyatlarının ən ağır anlarından keçir, bütün icma isə mədəniyyət, əlaqə və sevinc üzərində qurulmuş yığıncağın atəş ilə başa çatmasının səbəbini anlamağa çalışır”.

“Bu axşam diqqətimiz həyatlarını itirənlərə, sağalmğa çalışanlara və onların ailələrinə yönəlib. Sietl sizinlə birlikdə kədərlənir və çətin günlərdə sizə dəstək olacaq” – deyə meri əlavə edib.