Avstraliya Federal Polisi Sidneydə, Londonderrinin yarı-qəsəbə ərazisində torpağa basdırılmış 2,7 ton kokaini aşkar edərək, ölkədə indiyədək ən böyük kokain müsadirəsini həyata keçirib.

Əməliyyat 19 iyun Cümə günü baş tutub və narkotik maddə plastik qablarda, ərazidə yerləşən üç gəmi konteynerinin altında gizlədilən yeraltı bunkerlerde tapılıb.

Saxlanılan iki şəxs — 21 və 25 yaşlı kişilər — qeyri-qanuni idxal edilmiş sərhəd nəzarətində olan narkotik maddəni kommersiya miqdarında saxlamaq ittihamı ilə həbs edilib.

Polis bildirib ki, müsadirənin təqribi küçə dəyəri 816 milyon dollar təşkil edir ki, bu da təxminən üç milyon “küçə səviyyəsində” satışa bərabərdir.

Hüquq-mühafizə orqanları kokainin Avstraliyanın Şimali Kvinzlendə Midge Point yaxınlığında idxal olunduğunu və sonra Sidneydə təşkilatlı cinayət qrupu tərəfindən gətirildiyini qeyd edir.

Müsadirə Avstraliya Federal Polisi ilə birlikdə Kvinzlend polisi, Avstraliya Sərhəd Xidməti və digər qurumların birgə keçirdiyi Minjiang əməliyyatının hissəsidir. Bu əməliyyat həmin bölgədə 40 kiloqram kokainin tapılması ilə başlamışdı.

Şübhəli “ana gəmi” MV Wealth adlı yük gəmisinin Solomon adalarında saxlanıldığı bildirilir.

Cümə günü saxlanılan iki nəfər şənbə günü Yeni Cənubi Uels ştatının yerli məhkəməsində hakim qarşısına çıxarılıb və həbs qətimkan tədbiri seçilib. Onların növbəti məhkəmə iclasının 13 avqustda Penrith yerli məhkəməsində keçirilməsi gözlənilir.