Rusiya Ukraynadakı hərbi obyektlərə hücumları artırdı

Anadolu Agentliyi yazır ki, Rusiya Müdafiə Nazirliyi Ukrayna Prezidenti Volodimir Zelenskinin Rusiya neft emalı zavodlarına hücumların artırılacağı ilə bağlı açıqlamasına cavab olaraq, Kiyev və Ukraynanın digər bölgələrində yerləşən hərbi və hərbi sənaye obyektləri ilə əlaqəli infrastrukturlara hücumların gücləndiriləcəyini bildirib.

Bildirilib ki, Zelenskinin, Rusiyanın Ukraynadakı pilotsuz uçuş aparatları və raket istehsal müəssisələri ilə Ukrayna ordusunun ehtiyacları üçün istifadə olunan infrastrukturlara qarşı hücumlarına cavab olaraq, Rusiya neft emalı zavodlarına yönəlik hücumların artırılması planlaşdırılır.

Açıqlamada vurğulanıb ki, Rusiya Kiyev və digər Ukrayna ərazilərinə hücumları Ukraynanın əməliyyatlarına cavab olaraq həyata keçirir. Həmçinin qeyd edilib ki, Kiyev Rusiyadakı Dövlət Duması seçkilərini hücumlarla pozmağa çalışıb.

Qeyd olunub ki, müvafiq seçki komissiyalarına raket və pilotsuz uçuş aparatları ilə edilən hücumlarda 6 mülki şəxs həyatını itirib. 19-20 sentyabr tarixlərində 1600-dən çox pilotsuz uçuş aparatı Moskva mülki obyektlərinə hücum girişimi üçün istifadə olunub. Həmin ilin iyun ayında isə Sankt-Peterburq Beynəlxalq İqtisadi Forumu pilotsuz uçuş aparatları ilə hücuma məruz qalıb.

Açıqlamada Ukraynanın gecə saatlarında Rusiyanın Belqorod şəhərində yaşayış rayonlarına "terror xarakterli" hücumlar etdiyi bildirilib. Bu hücumlarda mülki şəxslərin yaralandığı və həlak olduğu, çox sayda mənzil, fərdi ev və avtomobillərin zərər gördüyü vurğulanıb.

Bildirilib ki, Zelenskinin açıqlamalarından sonra Rusiya Silahlı Qüvvələri Kiyev və digər Ukrayna rayonlarındakı hərbi və hərbi sənaye obyektləri ilə onların infrastrukturlarına qarşı hücumları artıracaq. Ukrayna xalqı yalnız Kiyevdəki hakimiyyət başçısını məsul tutmalıdır. Bu şəxsin bütün siyasi və şəxsi məsuliyyəti Zelenskidədir.