Nigel Farage parlamentə seçilməzdən əvvəlki il ərzində məhkum olunmuş fırıldaqçıdan maliyyə yardımı alıb və bunu gizlətməklə parlament qaydalarını pozmuş ola bilər, Britaniya mətbuatı xəbər verib.

Reform UK partiyasının rəhbəri George Cottrell-in maliyyələşdirdiyi təhlükəsizlik, sürücülər, işçilər və məskunlaşma kimi xərcləri Farage bəyan etməyib, Sunday Times tədqiqatı göstərir.

Cottrell 32 yaşındadır və 2017-ci ildə ABŞ-da pul yuma cinayətində təqsirli bilinərək həbs olunub.

Qəzet yazır ki, Cottrell seçkilərdən əvvəl Farage-in sosial media işçilərini işə götürüb maaşlarını verib. O, həmçinin Buckingem Sarayının yaxınlığında yerləşən beş mərtəbəli Georgia üslubunda olan evini Farage-ə istifadə üçün ayırıb.

Farage-in nümayəndəsi xəbərin əsassız və uydurma olduğunu deyib.

Reuters xəbər agentliyinə istinadən bildirib ki, “xəbərin tonuna baxmayaraq, parlament qaydaları pozulmayıb”.

Britaniyanın Liberal Demokratlar partiyasından deputat Coş Babarinde bazar günü Parlament Standartları Komissarına yeni ittihamların araşdırılması üçün müraciət edib.

O, X səhifəsində yayımladığı məktubda bunları qeyd edib: “Təsvir edilən dəstəyin dəyəri və mahiyyəti nəzərə alınaraq, cənab Faragenin Deputatlar Davranış Kodeksinə riayət edib-etməməsi ciddi sual altındadır. Bu, tək narahatlıq deyil.”

Dəstək zamanı Farage Reform-un fəxri prezidenti olub və fəaliyyətini milli siyasi səviyyədə davam etdirib.

Deputatların davranış kodeksi yeni üzvlərin seçilmədən əvvəlki 12 ay ərzində siyasi fəaliyyətlərinə “hər hansı şəkildə” bağlı olan və 300 funtdan (təxminən 400 dollar) yuxarı olan faydaları bəyan etməsini tələb edir. Donorun məqsədləri şübhəlidirsə, bu da bəyan olunmalıdır.

2024-cü ildə seçilərkən, Reform UK lideri Nigel Farage George Cottrell-dən yalnız Belçikada keçirilən mühafizəkarlar konfransına səfərlə bağlı, təxminən 9.200 funt (12.300 dollar) dəyərində fayda bəyan edib.

Sunday Times yazır ki, Cottrell vəkilləri vasitəsilə Farage-in şəxsi ofisində işçiləri işə götürüb və maaşlarını bank vasitəsilə ödədiyini təsdiqləyib. Şəxsi təhlükəsizlik xərclərinin “son ödənişi” 2024-cü ilin yanvar-mart ayları arasında olub.

Cottrell 2017-ci ildə ABŞ federal agentləri narkotik alverçisi kimi çıxış edən şəxslərə pul yumaq təklif etdiyi üçün simli fırıldaqda günahını qəbul edib. O, səkkiz ay həbsdə qalıb və ABŞ Prezidenti Donald Trampdan əfv istəyir.

Farage artıq parlament standartları komissarı tərəfindən kriptovalyuta milyarderi Kristofer Harbornedan 5 milyon funt (6,7 milyon dollar) qəbul etdiyinə görə də araşdırılır.

O, həmin hədiyyəni təhlükəsizlik xərclərini qarşılamaq üçün qəbul etdiyini bildirib.