Gənclik və İdman naziri Osman Aşkın Bak, İslam Əməkdaşlıq Təşkilatı ("İƏT") tərəfindən Konyanın 2026-cı il İslam Əməkdaşlıq Təşkilatının Gənclik Paytaxtı elan edilməsinə dair Səlcuqlu Konqres Mərkəzində təşkil olunan proqramın açılış mərasimində iştirak edib.

İslam sivilizasiyasının ən böyük gücünün sahib olduğu gənc əhali və bu gəncliyin daşıdığı yüksək ideallar olduğunu vurğulayan Bak, inancından, tarixindən və mədəniyyətindən güc alan bir gəncliyin daha ədalətli, rifahlı və güclü bir gələcəyin təminatı olacağını xüsusi qeyd edib.

Nazir Bak, Prezident Rəcəb Tayyib Ərdoğanın liderliyi ilə Türkiyənin keçmişdən aldığı ilhamla bu gün də İslam dünyasında birlik, həmrəylik və əməkdaşlığın gücləndirilməsində öncül rol oynadığını bildirib.

Türkiyənin tarixi təcrübəsi, strateji mövqeyi və güclü institusional strukturları ilə İslam Əməkdaşlıq Təşkilatının ölkə və quruluşları ilə hər sahədə birlikdə hərəkət etməyə səy göstərdiyini vurğulayan Bak, bunları söyləyib:

"Gənclik sahəsində apardığımız işlər də bu vizyonun önəmli bir hissəsidir. İstanbulda yerləşən İslam Əməkdaşlıq Gənclik Forumu, ortaq inanc və dəyərlərimiz çərçivəsində gənclərimizi çoxsaylı tədbirlərdə bir araya gətirərək 20 ildən artıqdır ki, təkcə bölgəmizin deyil, bütün dünyanın gələcəyinə ümid verir. Bu nöqtədə Nazirliyimiz də hər il fərqli mövzularda təşkil olunan gənclik düşərgələrində 'İƏT' ölkələrindən gənclərimizi qəbul edərək Forumu dəstəkləyir. Bu düşərgələrdə gənclərimiz mediadan könüllülüyə, ətraf mühit şüurundan sahibkarlığa qədər bir çox sahədə birlikdə öyrənir və yaradır, davamlı dostluqlar qururlar. Bununla yanaşı, beynəlxalq gənclik layihələri, mübadilə proqramları, idman təşkilatları və mədəni tədbirlərlə gənclərimizin çoxşaxəli inkişafını dəstəkləməyə davam edirik."

Nazir Bak, Konyanın 2022-ci ildə İslam Həmrəyliyi Oyunlarına ev sahibliyi etdiyini xatırladaraq, şəhərin beynəlxalq təşkilatlardakı təcrübəsini və qonaqpərvərliyini bütün dünyaya göstərdiyini dilə gətirib.

Konyanın "İslam Dünyasının İdman Paytaxtı" adını daşıdığını xatırladan Bak, şəhərdə təşkil olunan tədbirlərlə "İƏT" üzv ölkələri ilə həmrəyliyin daha da artırıldığını qeyd edib.

Bak, Nazirliyin bütün imkanları ilə Konya Gənclik Paytaxtı fəaliyyətlərini dəstəkləməyə hazır olduğunu, ortaya qoyulan bu güclü əməkdaşlığın İslam dünyası gəncliyi adına ümidverici olduğunu bildirib.

İslam dünyasının birliyinə yönəlmiş təşəbbüslərin, gələcək nəsillər arasında güclü bir sülh və dostluq zəmini yaratdığına diqqət çəkən Bak, bunları qeyd edib:

"'İƏT' Gənclik Paytaxtı Proqramı ölkəmiz üçün ayrı bir məna da daşıyır. İstanbul bu önəmli tədbirin ilk paytaxtı olmuşdu. Bu proqramlarla gənclərimizin mədəniyyət, idman, elm, sahibkarlıq və könüllülük başda olmaqla müxtəlif sahələrdə özlərini inkişaf etdirmələrini dəstəkləyir, İslam dünyası gəncliyi arasında davamlı əlaqələr qururuq. 2024-cü ildə Gənclik Paytaxtı Şuşa (düzəliş edildi) idi, keçən il isə Mərakeş olmuşdu. Bu münasibətlə müsəlman gəncliyinin inkişafına yönəlmiş uğurlu tədbirlər təşkil edərək səviyyəni daha da yüksəldən və aramızda olan Azərbaycan və Mərakeşdəki gənclikdən məsul nazirlik rəsmilərini təbrik edirəm. Gənc əhalisi və dinamik quruluşu ilə, ev sahibliyi etdiyi bir-birindən önəmli böyük təşkilatlarla önə çıxan Konyamızın da 2026-cı il 'İƏT' Gənclik Paytaxtı adını böyük bir qürurla daşıyacağına inanıram."

İslam Əməkdaşlıq Gənclik Forumunun ("ICYF") sədri Taha Ayhan, "Konya Gənclik Paytaxtı ümid edirik ki, çoxölçülü, çoxqatlı, çox dərin təsirlər qoyan bir tədbir olaraq 2026-cı ilə damğa vuracaq və bu