Misirin Qırmızı dəniz sahilində avtobus qəzası 16 nəfərin ölümünə səbəb olub
Misirin şərqində, Qırmızı dəniz bölgəsində baş verən avtobus qəzasında azı 16 nəfər ölüb, 28 nəfər isə yaralanıb. Hadisə turistik ərazidə baş verib, 20-yə yaxın təcili yardım maşını göndərilib.
Misirin şərqində avtobus qəzasında azı 16 nəfərin öldüyünü ölkənin səhiyyə nazirliyi bildirib.
Hadisə Çərşənbə günü səhər Cənubi Sinaay əyalətində, Qırmızı dəniz sahilində yerləşən Dahab və Nuweiba şəhərləri arasında baş verib. Qəza nəticəsində 28 nəfər yaralanıb.
Naizrlik qəza yerinə ilkin yardım göstərmək və yaralıları təxliyə etmək üçün 20-yə yaxın təcili yardım maşını göndərib. Qəzanın səbəbi hələ məlum deyil.
Qeyd edək ki, həmin bölgə dünyanın müxtəlif yerlərindən gələn turistlərin üstünlük verdiyi məşhur səyahət məkanıdır.
Bu təcili xəbər davamlı yenilənir. Əlavə məlumatlar yaxın vaxtlarda təqdim olunacaq. Ən tam xəbərlər üçün səhifəni yeniləyin.
