Livanın prezidenti Cozef Aoun Türkiyənin enerji sektorunda dəstək verməyə və iqtisadi əlaqələri gücləndirməyə hazır olduğunu deyib. Bu barədə o, Ankara görüşündən sonra açıqlama verib.

Aoun kabinetinə Türkiyə və ABŞ-a son səfərləri barədə məlumat verib və hər iki səfəri “çox müsbət” kimi qiymətləndirib.

O bildirib ki, Prezident Rəcəb Tayyib Ərdoğan iqtisadi tərəfdaşlığa ciddi önəm verir: “Prezident Ərdoğan Livan və Suriya sabitliyini, eləcə də heç bir dövlətin başqa dövlətin daxili işlərinə müdaxilə etməməsinin vacibliyini vurğulayırdı”.

Aoun Ərdoğandan BMT-nin Livandakı Müvəqqəti Qüvvələrinin (UNIFIL) hazırkı mandatdan sonra da qalmasını təmin etmək üçün Türkiyənin beynəlxalq əlaqələrindən istifadə etməsini xahiş edib. Ərdoğan da bu məsələ ilə bağlı işləyəcəyini söz verib.

Aoun Vaşinqton səfəri zamanı ABŞ Prezidenti Donald Tramp ilə görüşünün uğurlu olduğunu vurğulayıb. Trampın ABŞ hava yollarına Livana birbaşa uçuşlara icazə verməsi bu görüşdən konkret nəticələrdəndir.

O deyib ki, Livan və İsrail arasında Romada sərhəd məsələləri və məhbus mübadiləsi ilə bağlı aparılan danışıqlarda irəliləyiş var. Yaxın gələcəkdə konkret addımların atılacağını bildirib.