Atlantik okeanda 27 gün üzən bir qayıqda aralarında körpə də olmaqla 80-dən çox insanın öldüyü ehtimal edilir.

İspaniya Dəniz Xilasetmə komandaları çərşənbə günü Kanar adalarından Gran Canaria sahilində yerləşən Arguineguín şəhərindən təxminən 65 dəniz mil cənub-qərbdə qayıq tapıb.

Üzərində 44 sağ qalan və beş meyit olduğu müəyyən edilib.

Qayığın avqustun əvvəllərində Qərbi Afrikada The Gambia ölkəsindən 127 nəfərlə yola çıxdığı güman edilir.

İnsan haqları fəalı, ispan xeyriyyə təşkilatı Caminando Fronteras-ın təsisçisi Helena Maleno Qarzónun açıqlamasına görə, 83 nəfər həyatını itirib.

Dəniz Xilasetmə komandaları dəniz şəraitinin pis olması səbəbindən aşkar etdikləri beş meyiti götürə bilməyiblər.

Təşkilat ilkin olaraq qayıqda neçə nəfərin olduğunu dəqiqləşdirə bilmədiyini vurğulayıb.

Qurumun açıqlamasında sağ qalanların sub-Sahara Afrika regionundan olan kişi olduqları qeyd edilib.

“Xilasetmə əməliyyatı başa çatdıqdan sonra bölgədəki hava şəraiti – 20 düymlük külək və 2,5 metr dalğa – qayıqda tapılan beş meyitin götürülməsini mümkün etməyib,” deyə bildirilib.

Sağ qalanlardan üçü ağır vəziyyətdə təyyarə ilə xəstəxanaya çatdırılıb.

Digərləri isə dəniz yolu ilə Gran Canariyaya aparılıb, cümə axşamı səhər gəmidən endirilib.