Ford rəhbərliyi bildirib ki, süni intellekt və avtomatlaşdırılmış sistemlərin istənilən keyfiyyət səviyyəsini təmin edə bilməməsi səbəbindən 350 təcrübəli mühəndis işə dəvət olunub. Onların bəziləri əvvəlki əməkdaşlar olub, bəziləri isə təchizatçı şirkətlərdə çalışırdı.

Şirkətin əməliyyat üzrə baş direktoru Kumar Qalhotra jurnalistlərə açıqlamasında bildirib ki, Ford uzun müddətdir "avtomatlaşdırılmış keyfiyyət sistemlərinə" güvənirdi, lakin nəticələr ümid etdikləri kimi olmadı. Buna görə də şirkət "texniki mütəxəssisləri geri gətirib". Bu mütəxəssislər hissə zavoda daxil olmadan əvvəl onun mümkün çatışmazlıqlarını müəyyən edir.

Ford-un nəqliyyat vasitələrinin avadanlıq mühəndisliyi üzrə vitse-prezidenti Çarls Poon əlavə edib ki, səhvən düşündülər ki, sadəcə süni intellekti tətbiq etməklə və mövcud dizayn tələblərini proqramlaşdırmaqla yüksək keyfiyyətli məhsul əldə etmək mümkün olacaq.

Qeyd etmək lazımdır ki, bu addım Ford-un süni intellekt planlarından tamamilə imtina etdiyi anlamına gəlmir. Əksinə, "ağ saqqallı" mühəndislər yenidən işə qaytarılaraq gənc əməkdaşların təlimində iştirak edir və süni intellekt alətlərini təkmilləşdirmək üçün proqramlaşdırma işlərini aparırlar.

Bu yenidən işə götürmə şirkət üçün fayda gətirib və Ford bu ilin sonunda 1 milyard dollar həcmində xərclərin azalmasını gözləyir. Həmçinin avtomobil istehsalçısı bu həftə açıqlanan JD Power İlk Keyfiyyət Sorğusunda əsas brendlər arasında birinci yer tutub.