ABŞ prezidenti Donald Tramp deyib ki, Nigeriyada ABŞ və Nigeriya qüvvələrinin birgə həyata keçirdiyi əməliyyat zamanı İŞİD terror təşkilatının ikinci komandiri abu-Bilal əl-Minuki öldürülüb.

Tramp bunu Truth Social platformasında paylaşaraq bildirib ki, əl-Minuki "İslam Dövləti"nin (İŞİD) qlobal səviyyədə ikinci komandanlıq mövqeyində idi.

"O, artıq Afrika xalqını terror altında saxlaya və amerikalılara qarşı əməliyyatların planlaşdırılmasına kömək edə bilməyəcək," – Tramp söyləyib.

ABŞ prezidenti əl-Minukinin öldürülməsinin İŞİD-in qlobal fəaliyyəti üçün ciddi zərbə olduğunu vurğulayıb.

Tramp Nigeriya hökumətinə əməkdaşlığa görə təşəkkür edib.

Nigeriya prezidenti Bola Əhməd Tinubu isə ABŞ-Nigeriya birgə əməliyyatını terrorizmə qarşı mübarizədə effektiv əməkdaşlığın önəmli nümunəsi adlandırıb.

Tinubu X platformasında yazıb ki, Çad Gölü hövzəsində əl-Minukinin yerləşdiyi məntəqəyə edilən zərbə nəticəsində bir neçə zabiti də öldürülüb.

Nigeriyada silahlı qrupların hakim olduğu bölgələrdə tez-tez zorakılıq halları baş verir. Tramp ötən dövrdə Nigeriyadakı müsəlman militantların xristianlara təzyiq göstərməsi barədə ittihamlar irəli sürmüş, lakin Nigeriya hakimiyyəti bunu təkzad etmişdi.

ABŞ prezidentinin iddialarından sonra dekabrın 25-də ABŞ Şimal-Qərbi Nigeriya ərazilərində müsəlman əsaslı bazalara zərbələr endirmişdi.

Nigeriyada Boko Haram və Qərbi Afrika İslam Dövləti daxil olmaqla bir neçə silahlı militant qrupların fəaliyyəti müşahidə olunur.