Çin Xarici İşlər Nazirliyinin sözçüsü Qao Çiakun (Guo Ciakun) Pekində keçirilən adi mətbuat konfransında bu mövzu ilə bağlı açıqlama verib.

Çin Xalq Respublikasının beynəlxalq hüquqda heç bir əsası olmayan və Birləşmiş Millətlər Təşkilatının Təhlükəsizlik Şurasının səlahiyyət vermədiyi birtərəfli sanksiyalara qarşı olduğunu bildirən sözçü Lin, Çin şirkətlərinin qanuni hüquqlarını və maraqlarını qoruyacaqlarını qeyd edib.

Lin, Çinin İranla bağlı mövqeyinin aydın olduğunu vurğulayaraq, "Təcili prioritet, nə şəkildə olursa olsun, yenidən münaqişəyə qayıtmağın qarşısını almaq olmalıdır, başqa ölkələrə çamur atmaq üçün vəziyyətdən istifadə etmək deyil", – deyib.

ABŞ Xəzinədarlığı mayın 8-də, aralarında Çin mərkəzli "Yushita Shanghai" və "Hitex Insulation" ilə Honkonq mərkəzli "Hesin Industry" və "Mustad Limited" şirkətlərinin də olduğu 5 şirkətə İranın silah almasına vasitəçilik etdikləri və silah sistemləri təmin etdikləri səbəbindən sanksiya tətbiq edib.

ABŞ Dövlət Departamenti də eyni gün, aralarında Çin mərkəzli peyk şirkətləri "Chang Guang Satellite Technology", "The Earth Eye" və "MizarVision"ın da olduğu 4 şirkətə, İranın ABŞ-ın Orta Şərqdəki qüvvələrinə hücumlarında istifadə etmək üçün peyk təsvirləri təmin etdikləri səbəbindən sanksiya tətbiq edəcəyini açıqlamışdı.

Sanksiya qərarlarının ABŞ Prezidenti Donald Trampın (Donald Trump) bu həftə Çinə edəcəyi səfər ərəfəsinə təsadüf etməsi diqqət çəkib.