Böyük Britaniya və Yaponiya Baş Naziri Sir Keir Starmerin iki ölkə arasında “yeni əməkdaşlıq dövrü” yaradacağını bildirdiyi çoxmilyardlıq investisiya sazişi imzalayıblar.

Downing Street-in açıqlamasına görə, Yaponiya şirkətləri Böyük Britaniyanın infrastruktur və maliyyə xidmətlərinə 9 milyard funt sterlinqdən çox, ölkənin dənizkənarı külək enerjisinə isə 9 milyard funt sterlinqədək sərmayə qoyacaq. Bu isə on minlərlə iş yerinin açılmasına səbəb olacaq. Baş nazir London görüşündə Yaponiya baş naziri Sanae Takaichi ilə görüşüb.

Saziş Böyük Britaniyanın iqtisadiyyatının inkişafında çətinlik yaşadığı vaxt imzalanır. Ekspertlər ABŞ-İsrail ilə İran arasındakı müharibənin xüsusilə Böyük Britaniyaya ciddi təsir edəcəyini proqnozlaşdırırlar.

Downing Street-in açıqladığı investisiyanın nə qədərinin yeni vəsait, nə qədərinin isə əvvəlcədən elan edilmiş planlar olduğu hələ məlum deyil.

Sir Keir və Takaichi bazar günü Downing Street-də Yaponiya iş adamları ilə görüşüblər. Starmer danışıqları “çox məhsuldar” adlandırıb.

Həmçinin, Sir Keir iki ölkənin İtaliya ilə birgə işlədiyi Gcap döyüş təyyarəsi proqramına öhdəliklərini yenidən təsdiqlədiklərini bildirib və buna görə “həqiqətən məmnun” olduğunu deyib.

Rolls-Royce və Yaponiya Atom Enerjisi Agentliyinin yeni nəsil nüvə texnologiyalarının inkişafı üzərində işləyəcəyi açıqlanıb. Texnologiya sazişi Böyük Britaniyanın tədqiqat, inkişaf və proqram təminatı bilikləri ilə Yaponiya istehsalını birləşdirəcək.

Tərcüməçi vasitəsilə danışan Yaponiya baş naziri Böyük Britaniyanı “son dərəcə vacib tərəfdaş” adlandırıb.

Downing Street-in məlumatına görə, Mitsubishi Estate, Mitsui Fudosan və Nomura Real Estate kimi Yaponiya şirkətləri növbəti beş il ərzində infrastruktur və daşınmaz əmlak layihələrinə milyardlarla funt sərmayə qoymağa razılıq veriblər.

Mühafizəkarların kölgə biznes və ticarət katibi Endryu Qriffit partiyasının Böyük Britaniyaya “sərmayə gətirəcək hər hansı sazişi” dəstəklədiyini deyib.

Lakin o əlavə edib ki, İşçi Partiyasının “vergilərin artırılması və işəgötürənlərə tətbiq olunan bürokratiya böyük zərər vurur, iş yerlərini məhv edir və daha çox insanı sosial yardıma məcbur edir”.

Gələcək iqtisadi çağırışlar

Downing Street sazişin iş yerlərini artıracağını və uzunmüddətli iqtisadi inkişafı dəstəkləyəcəyini bildirir. Lakin ekspertlər yaxın gələcəkdə iqtisadi çətinliklərin yarana biləcəyini ehtimal edirlər.

Böyük Britaniyanın iqtisadiyyatı ilin ilk üç ayında 0,6 faiz artıb. Analitiklər düşünürlər ki, gələn aylarda artım zəif olacaq.

Beynəlxalq Valyuta Fondu (BVF) ötən ay açıqlayıb ki, ABŞ-İsrail ilə İran arasındakı müharibə dünyadakı inkişaf etmiş iqtisadiyyatlar arasında ən çox Böyük Britaniyaya təsir göstərəcək. BVF keçən ay.

İngiltərə Bankı müharibənin təsiri ilə Böyük Britaniyada inflyasiyanın arta biləcəyini, ən pis halda 6 faizə çatacağını xəbərdarlıq edib.