BMT-nin insan hüquqları ekspertləri Ekvatorial Qvineyanı ABŞ-dan deportasiya edilən şəxsləri vətənlərinə qaytarmaq planlarını dərhal dayandırmağa çağırıb. Onlar qərbi Afrikada yerləşən bu ölkədə deportasiya edilənlərin siyasi zorakılıq, işgəncə və ölüm təhlükəsi ilə üzləşəcəyini bildiriblər.

Afrika İnsan və Xalqlar Hüquqları Komissiyasının nümayəndəsinin də imzaladığı bəyanat Ekvatorial Qvineyaya beynəlxalq insan hüquqları standartlarına riayət etməsi və refulement, yəni təqibə məruz qalacaqları ölkələrə insanların zorla qaytarılmasından çəkinməsi üçün diplomatik təzyiq göstərir.

Ekspertlər çərşənbə günü verdikləri bəyanatda qeyd ediblər: "Dövlətlər həyatları, azadlıqları, fiziki və ruhi toxunulmazlıqları təhlükədə olan şəxsləri birbaşa və ya dolayı qaytarılmaması üçün təminat verməlidirlər."

Tramp administrasiyası “kütləvi deportasiya” siyasəti çərçivəsində ABŞ-dan deportasiya edilənləri qəbul etmək barədə bir çox ölkələrlə razılaşmalar bağlayıb. ABŞ Ekvatorial Qvineyaya üçüncü ölkə vətəndaşlarını öz ölkələrinə təqibə məruz qalmaq təhlükəsindən qorumaq üçün 7,5 milyon dollar maliyyə yardımı ayırıb.

BMT-nin açıq çağırışı ABŞ-dan Ekvatorial Qvineyaya göndərilən deportasiya edilənlərin təhlükəsizlik orqanları tərəfindən təcili vətənlərinə deportasiya ediləcəkləri barədə xəbər verilməsindən sonra gəlib.

Ekvatorial Qvineya ədalət insan hüquqları qrupunun rəhbəri Tutu Alisante bildirib ki, "Ekvatorial Qvineya heç vaxt miqrantlar və sığınacaq axtaranlar üçün təhlükəsiz ölkə kimi qəbul edilməməlidir. Bu ölkə çox sərt avtoritar idarəçi rejimdir. Həssas miqrantlar burada hüquqi statusları, ailə əlaqələri və effektiv qorunma mexanizmləri olmadan saxlanılır."

Malaboda həbsdə olan Esther adlı deportasiya edilən qadın otel şəraitinin həbsxana kimi olduğunu deyib. O və digər deportasiyaya məruz qalanlar sabun, diş fırçası və təmiz paltar olmadan saxlanılıblar.

Esther fərqli bir qərbi Afrika ölkəsindən gəlir. Təhlükəsizliyi üçün onun adı və vətəni dəyişdirilib. O, 2024-cü ildə hökumət rəsmilərinin sifarişi ilə tutulub və işgəncəyə məruz qaldıqdan sonra əvvəlcə Cənubi Amerikaya, oradan isə Meksika yolu ilə ABŞ-ın cənub sərhədinə gəlib. 14 ay ABŞ-ın immiqrasiya nəzarət mərkəzində saxlandıqdan sonra məhkəmə onun ölkəsinə qayıdışı əleyhinə xüsusi status verib.

Sonra New Yorkda əmisinin yanına yerləşən Esther immiqrasiya nəzarəti orqanlarına müntəzəm yoxlanışlara əməl edib. Yoxlanış zamanı tutulub, vəkili ilə görüş imkanı verilmədən Luizianaya göndərilib. Daha sonra əllərinə dəmir bağlanaraq Ekvatorial Qvineyaya aparılıb. Hara göndərilməsi barədə ona dəfələrlə məlumat verilməyib, uçuşdan əvvəl bir hava yolu işçisi ona təyinat yerini söyləyib.

O, Malaboda silahlı mühafizəçilərlə qorunan oteldə saxlanılır və yeganə əlaqəsi otağının pəncərəsi vasitəsilə xarici dünyadır.