Birləşmiş Ərəb Əmirliklərində (BƏƏ) Barakah Nüvə Energetika Zavodunun ətrafında dron zərbəsi yanğına səbəb olub, bu isə İran və ABŞ arasında zəif atəşkəs şəraitində yeni regional eskalasiya təhlükəsini artırıb.

Əbu Dabidəki rəsmi qurumlar bildiriblər ki, yanğın bazar günü Al Dhafra bölgəsində zavodun daxili perimetrinin kənarında yerləşən elektrik generatorunda baş verib. Hər hansı xəsarət qeydə alınmayıb, rəsmilər isə radiasiya səviyyəsinin normal olduğunu bildiriblər.

BƏƏ-nin nüvə tənzimləyicisi yaradılan ilk nüvə enerji stansiyası – ərəb yarımadasındakı bu obyektin fəaliyyətinin təsirlənmədiyini açıqlayıb. “Bütün bloklar normal işləyir,” – deyə qurum sosial şəbəkədə paylaşım edib.

Hələlik məsuliyyəti üzərinə götürən olmayıb, BƏƏ isə heç bir ölkəni rəsmi olaraq ittiham etməyib.

Bazar günü gecə yaydığı bəyanatda BƏƏ Müdafiə Nazirliyi iki dronu hava hücumundan mühafizə sistemlərinin "uğurla" məhv etdiyini, lakin üçüncü dronun zavod yaxınlığındakı generatora dəyməsini bildirib.

Bəyannamədə dronların “qərb sərhədindən” atıldığı qeyd olunub, əlavə detallara toxunulmayıb və hücumun mənbəyini müəyyən etmək üçün araşdırmaların davam etdiyi vurğulanıb.

"Ciddi narahatlıq"

ABŞ və İsrail 28 fevralda İranı hücuma keçdikdən sonra BƏƏ tez-tez İranın raket və dron hücumlarına məruz qalıb.

Beynəlxalq Atom Energetikası Agentliyi (BAEA) bildirib ki, insident nəticəsində bir reaktor müvəqqəti fövqəladə dizel generatorlarına keçməli olub.

BAEA-nın rəhbəri Rafael Grossi “ciddi narahatlıq” ifadə edib və nüvə obyektlərini təhlükə altına atan hərbi fəaliyyətin “qəbulolunmaz” olduğunu xəbərdar edib.

Zavod Səudiyyə Ərəbistanı sərhədinə yaxın, BƏƏ-nin paytaxtı Əbu Dabi şəhərindən təxminən 225 km (140 mil) qərbdə yerləşir.

8 apreldə ABŞ ilə İran arasında atəşkəs elan edilməsinə baxmayaraq, dron hücumları BƏƏ-yə qarşı davam edir. Keçən həftə, Əmirlik rəsmiləri İranı Fucayra liman şəhərinə raket və dron hücumları təşkil etməkdə ittiham ediblər. Hadisə zamanı üç Hindistan vətəndaşı yaralanıb, Fucayra Neft Sənayesi Zonasında neft obyektində yanğın baş verib.

İran əvvəllər ABŞ-ın hərbi bazalarının yerləşdiyi və ya İsrail maraqlarının olduğu ölkələrin hədəfə çevrilə biləcəyi barədə xəbərdarlıq edib.

İran son zamanlarda BƏƏ-ni İsrail ilə əlaqələri gücləndirməkdə ittiham edib, eyni zamanda İsrail Baş naziri Benjamin Netanyahu-nun bu münaqişə dövründə körfəz ölkəsinə “gizli” səfər etdiyi barədə məlumatlar yayılıb. BƏƏbunu rədd edib.

ABŞ-ın İsraildəki səfiri Mike Huckabee dəkeçən həftə bildirib ki, İsrail BƏƏ-yə mümkün İran hücumlarına qarşı müdafiə üçün Iron Dome hava hücumundan müdafiə sistemləri və əməkdaşlarını göndərib.

Cümə günü yaydığı bəyanatda BƏƏ Xarici İşlər Nazirliyi İranın Əmirlik ərazilərinə hücumları əsaslandırmaq cəhdlərini rədd edərək, hər hansı təhdidə cavab vermək hüququnu saxladığını vurğulayıb.