Alvaro Arbeloa mövsüm sonunda Real Madrid baş məşqçisi vəzifəsindən gedəcəyini təsdiqləyib.

"Bəli," Arbeloa bazar ertəsi keçirilən mətbuat konfransında növbəti mövsümdə komandanı çalışdırmayacağını təsdiqləyib. Bu açıqlama, veteran məşqçi Jose Mourinhonun klubda yenidən məşqçilik edəcəyi ilə bağlı geniş yayılan məlumatlara təsadüf edir.

Los Blankos komandasının Santiago Bernabeu stadionunda şənbə günü Athletic Bilbao ilə La Liqanın son matçına çıxacaq.

Real Madrid prezidenti Florentino Peres yanvarda Arbeloanı Xabi Alonso əvəzinə təyin etmişdi.

Arbeloa bildirib ki, Mourinho klubun baş məşqçisi təyin olunarsa, onun köməkçisi olmayacaq.

"Mourinho mükəmməl bir texniki heyətə malikdir, yanında yaxşı insanlarla işləyir. Madridə gələcəksə, öz komandası ilə gələcək," deyə Arbeloa vurğulayıb.

"Onunla işləməyim mümkün deyil. Gələcəyim barədə isə bazar ertəsindən etibarən düşünəcəm."

2009-2016-cı illərdə Madriddə futbolçu kimi çıxış etmiş və daha sonra klubun gənclər komandasında məşqçi işləmiş Arbeloa bu oyunun “əlvida” yox, “görüşənədək” olmasını arzuladığını bildirib.

"Ümid edirəm ki, bu, görüşənədəkdir... Həmişə özümü burada evimdə saymışam, iki ildən çoxdur Real Madriddə müxtəlif vəzifələrdə çalışıram," Arbeloa qeyd edib.

"Bu mövsüm baş məşqçi kimi son oyunum olacaq; həyatımda da Real Madriddə baş məşqçi kimi son oyun olub-olmayacağını bilmirəm.

"Heç vaxt bilmərik. Hazırda oyunun dadını çıxarmağa və qalib gəlməyə çalışacağam."