ABŞ federal hakimi Hindistan milyarderi Gautam Adaniyə qarşı irəli sürülən cinayət ittihamlarının ləğv edilməsinin əsaslandırılmasını ABŞ Ədliyyə Nazirliyindən tələb edib.

Bu tələb cümə günü verilib və Ədliyyə Nazirliyinin cinayət işi üzrə təqibdən imtina qərarından bir ay sonra gəlib. Adaninin vəkilləri çərşənbə axşamı Bruklin məhkəməsinə müraciət edərək işi rəsmi olaraq ləğv etməyi xahiş etmişdi.

Məhkəmə sənədlərində verilən yazılı qərarda hakim Nikolas Qaraufis təqsirləndiricilərin işi dayandırmaları ilə bağlı bildirişin əsaslandırmasının kifayət etmədiyini göstərərək, Ədliyyə Nazirliyinə əlavə məlumat təqdim etmək üçün 13 iyula qədər vaxt verib.

Qaraufis yazıb: “Hökumətin qısa və yekun ifadəsi məhkəməyə heç bir nəticəyə gəlmək üçün əsas vermir və onların işin dayandırılması tələbini analiz etmələrinə şərait yaratmır.”

Adaninin vəkili Robert Caffra hakimə yazdığı məktubda işi ləğv etməyi tələb edib. O, işin ABŞ qanunlarının tətbiq dairəsindən kənar olduğunu və təqsirləndiricilərin Hindistanda iddia olunan rüşvəti sübut edə bilməyəcəyini vurğulayıb.

Ədliyyə Nazirliyi Adaninin ABŞ-da 10 milyard dollar sərmayə qoyacağı sözündən sonra cinayət işindən imtina etdi.

Bloomberg-in Milyarder İndeksinə əsasən, dünyanın 17-ci ən varlı şəxsi olan Adani 2024-cü ildə Hindistan hökumət rəsmilərinə rüşvət verməklə günəş enerjisi zavodu tikintisi müqaviləsi aldığı ittihamını aldı. Eyni vaxtda şirkətin ABŞ investorlarına korrupsiyaya qarşı tədbirlər barədə yanlış məlumat verdiyi digər iddialar da irəli sürüldü.

Adani bu ittihamları davamlı olaraq təkzib edir.

İşin dayandırılması qərarı may ayında verilib və bu, Adaninin ABŞ prezidenti Donald Trampın şəxsi vəkillərindən olan Caffranı təyin etməsindən sonra baş tutub.

Caffranın hüquq komandasında olan Ceyms Makdonald da Tramp tərəfindən Manhettendə aparıcı federal təqsiləndirici təyin edilib. Makdonald ötən ay Ədliyyə Nazirliyinin, Co Bayden dövründə başladığı işdə Adaninin xeyrinə uğur qazanmasında hüquq komandasının üzvü idi.

Bu həftə Bloomberg xəbər verib ki, Adani Ədliyyə Nazirliyinin istintaqı davam edərkən noyabr ayında ABŞ prezidentinin oğlu Donald Tramp Jr. ilə görüşüb. Görüşdə nələrin müzakirə olunduğu açıqlanmayıb.