Uşaqların təcili yardım müraciətləri iki dəfə artıb

Hürriyet xəbər verir ki, son həftələrdə təcili yardım xidmətlərinin uşaqlar üçün olan bölmələrində xəstə sayında əhəmiyyətli artım müşahidə olunur. Xüsusilə viruslu yuxarı tənəffüs yollarının infeksiyası əlamətləri ilə müraciətlər iki dəfə artıb.

Çoxsaylı müraciətlər əsasən bağça və ibtidai sinif yaşına aid olan uşaqlar arasında qeydə alınıb. Uşaqlarda ən çox burun axıntısı, yüngül hərarət, boğaz ağrısı və halsızlıq müşahidə olunur.

Uşaqların çoxunda bakterial infeksiya əlamətləri azdır. Ümumi vəziyyəti yaxşı olan uşaqlar 2-3 gün evdə izlənilə bilər, lakin yüksək hərarət 3-4 gün davam edərsə, öskürək artarsa, nəfəs almaqda çətinlik və ümumi hal pisləşərsə, həkimə müraciət etmək vacibdir.

Uşaqların bağça və məktəbə getməsi ilə yoluxma daha sürətlə yayılır. Həkim ailələrdən ateşi nəzarətdə saxlamalarını, lazım olduqda parasetamol kimi dərmanlar vermələrini, əl gigiyenasına diqqət etmələrini və bol maye qəbulunu tövsiyə edir.

Məktəblər siniflərin tez-tez havalandırılmasını, xəstə uşaqların dərhal həkimə aparılmasını və ümumi gigiyena qaydalarına riayət edilməsini təmin etməlidir. Həmçinin xəstələr ən az bir həftə məktəbə göndərilməməlidir.

Yetişkinlərin təcili yardıma müraciətində artım azdır, bu dövrdə yoluxma daha çox uşaqlarda yayılır.