Anadolu agentliyinin iyunun 27-də yaydığı məlumata görə, Türkiyədə paytaxt Ankara şəhərində keçiriləcək NATO sammitindən əvvəl terrorla əlaqəli ittihamlarla həbsdə olanların sayı 178-ə yüksəlib.

Həbslər bu həftə, iyulun 7-8-də keçirləcək sammit öncəsi aparılan antiterror əməliyyatları çərçivəsində həyata keçirilib. Sammitdə ABŞ Prezidenti Donald Tramp daxil olmaqla 32 dövlət rəhbərinin iştirakı gözlənilir.

Agentliyin yazdığına görə, 225 şübhəlidən 178 nəfəri rəsmi qaydada həbs olunub. Digər 34 nəfər məhkəmə nəzarəti altında sərbəst buraxılıb. Bu barədə məlumat Ankara baş prokurorluğunun bəyanatına əsaslanır.

Həbs edilənlər arasında İŞİD-lə əlaqəsi olduğu deyilən şəxslər var. Araşdırmalar və məhkəmə prosesi davam edir.