Taylandın paytaxtında sel 700 min nəfəri təsirləyib

Anadolu Ajansı yazır ki, Tayland Körfəzi yaxınlığında yaranan aşağı təzyiq sahəsi şiddətli yağışlara səbəb olub. Bu yağışlar Bangkokun şərqindəki rayonlarda selə gətirib çıxarıb.

Bangkok Böyükşəhər Bələdiyyəsinin sədr müavini Tavida Kamolvej bildirib ki, bir neçə yaşayış məntəqəsi su altında qalıb və minlərlə sakin təxliyə mərkəzlərinə köçürülüb.

Kamolvej deyib ki, seldən ümumilikdə 700 min nəfər təsirlənib və hazırda yüz minlərlə içməli su şüşəsinə ehtiyac var.

Bangkok Bələdiyyə sədri Çadçat Sitipunt açıqlama verərkən bildirib ki, sel sularının çəkilməsi davam edir. Kanalardakı su səviyyəsi azaldıqca suyun yavaş-yavaş geri çəkilməsi gözlənilir.

O əlavə edib ki, təxliyəni sürətləndirmək üçün alçaq ərazilərdə pompa qurğuları quraşdırılacaq. Bələdiyyə seller səbəbindən şəhərin 50 rayonunu fövqəladə vəziyyət zonası elan edib və qida ilə içməli su yardımı kampaniyası başladıb.

Meteoroloji idarə 24 sentyabrdan bəri davam edən leysan yağışların bölgədə hər kvadrat metrə 320 kiloqram su düşməsinə səbəb olduğunu açıqlayıb.