YAY OXUMASI: “The White Lotus” serialı ekrana gəlmədən çox əvvəl, Siciliyanın Taormina şəhərindəki "San Domenico Palace" "Four Seasons Hotel"i ədəbi simaların ziyarətgahı kimi tanınırdı. Johann Wolfgang fon Göte, Oskar Uayld, D.H. Lorens, Truman Kapote, Con Steynbek və Vladimir Nabokov kimi yazıçılar onun panoramik mənzərələrinə heyran olmuşdu. Bildirilir ki, Lorens 1920-ci illərdə burada "Lady Chatterley’nin Sevgilisi" üçün ilham tapıb.

14-cü əsrdə monastır kimi inşa edilən otel bu həftə ədəbi irsini qonaq təcrübəsinə çevirdiyini açıqladı. HBO seriyasından əlavə olaraq tarixi ön plana çıxarmaq məqsədiylə Yay Kitab Klubunu təqdim etdi. Bu klub ədəbi dahi şəxslərin ruhuna həsr olunub.

Ənənəvi kitab klublarından fərqli olaraq, üzvlər birgə kitab oxuyub müzakirə etmir, sadəcə kurasiya olunmuş kitablar siyahısı təqdim olunur. Bu, müğənni Dua Lipanın “Service95 Book Club”unun aylıq oxu tövsiyələrinə bənzəyir.

"San Domenico Palace" tərəfindən seçilənlər arasında Uayldın "Dorian Qreyin Portreti"; Götenin "İtaliya Səyahəti"; Kapoteyin "Tiffanidə Səhər Yeməyi"; Cuzeppe Tomasi di Lampeduzanın "Professor və Sirena" və İtalo Kalvinonun "Çeşməli Qraf" kimi əsərlər var. Otelin baş meneceri İmelda Şllaku tərəfindən seçilmiş bu əsərlərdən başqa, müasir müəlliflərdən Vinçentso Latronikonun "Perfection", Ann Pateçinin "Bel Canto", Patrisiya Haytmizin "İstedadlı M.Ripli" və Don Delillonun "Ağ Səs" kitabları çatdırılır.

Mövsüm ərzində hər otaqda kitab siyahısı yerləşdirilib və qonaqlar istədikləri kitabı qəbul masasında tote çanta və xüsusi kitab ayracı ilə götürə bilərlər.

"Bu ideya təbii şəkildə yarandı, bu otel yüz ildən artıqdır ədəbi ünvan kimi tanınır və biz istəyirik qonaqlar bunu hiss etsinlər, sadəcə eşitməsinlər. Yay Kitab Klubumuz həmin tarixi qonaqlığın bir hissəsinə çevirmək üçün vasitədir," - deyə Şllaku bildirdi. “San Domenico Palace” həmçinin kino sənayesi üçün cazibə mərkəzidir. Burada HBO ”The White Lotus”undan başqa, 1960-cı illərin İtaliya dramı "L’Avventura" və 1988-ci il Lük Bessonun "Le Grand Bleu" filmlərinin səhnələri çəkilib.