ABŞ federal prokurorları 29 yaşlı Conatan Rinderknecht-i Kaliforniyanın Los-Anceles şəhərində tarixdə ən dağıdıcı yanğınlardan sayılan Palisades Yanğınını qəsdən törətməkdə ittiham ediblər.

Rinderknecht-in federal məhkəməsində çərşənbə günü açılış çıxışları olundu. Ona mülkiyyətin yanğınla məhv edilməsi, əyalətlərarası ticarətə təsir göstərən yanğın törətmək və meşə yanğını başlatmaq ittihamları verilib.

Rinderknecht yanğını yanvar 2025-də başlatmaqda günahsız olduğunu bildirib.

Prokurorlar onu cinayətini əvvəlcədən planlaşdıran yanğın törətməkdə ittiham edir. Müdafiə tərəfi isə onun yanğına dair heç bir dəlil olmadığını deyir, əksinə Rinderknecht-in yanğını söndürməyə çalışdığını bildirir.

“Bütün sübutlar təqdim ediləndən sonra tək şey çatışmayacaq: Conatan Rinderknecht-in 1 yanvar tarixində o yanğını başlatdığına dair dəlil,” vəkil Stiv Heni məhkəmə üzvlərinə söyləyib.

Palisades Yanğınında 12 nəfər həyatını itirib, Los-Ancelesin şimalındakı sahil əraziləri xeyli dağılıb. Xüsusilə də Pacific Palisades kimi icmalar yanıb külə dönüb.

Əgər günahkar bilinərsə, Rinderknecht ən azı beş il həbs cəzası alacaq, maarcəmi isə 45 ilə qədərdir.

Prokurorlar bildirir ki, Palisades Yanğını 2025-ci ilin 1 yanvarında başlayıb, kök sistemlərində qeyri-aktiv alovlandıqdan sonra 7 yanvarda geniş yanğına çevrilib.

Sübutlar Rinderknecht-in yanğının başladığı iddia edilən təpədə olduğunu göstərir.

ABŞ-ın köməkçi prokuroru Mark Uilyams məhkəmə zalında deyib: “Sübutlar göstərir ki, təqsirləndirilən bu yanğını 1 yanvarda qəsdən başlatıb. Sübutlar həmçinin göstərir ki, o yanğın 7 yanvarda ən böyük dağıntılara səbəb olan yanğındır.”

Prokurorlar Rinderknecht-in 1 yanvarda 16 dəfə təcili xidmətlərə zəng etdiyini, mobil məlumatlarının isə yanğının baş verdiyi təpə ətrafında olduğunu bildirib.

Həmçinin prokurorlar yanğın öncəsi bir neçə ay ərzində Rinderknecht-in ChatGPT adlı süni intellekt modelində “yanan meşə” və “qaçan insanlar” barədə sorğu etdiyini qeyd edirlər.

Köməkçi prokuror Met O`Brayan əlavə edib: “O, cəmiyyətə qarşı intiqam istəyirdi — bütün problemlərini cəmiyyətin üzərinə atırdı.”

Müdafiə tərəfi bildirir ki, 29 yaşlı Rinderknecht yanğını söndürməyə çalışıb, yanğınsöndürənləri xəbərdar edib və ilk yanğının olduğu əraziyə yönəldib.

Vəkil Stiv Heni 911 zənglərinin parçalarını sübut kimi təqdim edib: “Bu, yanğını söndürməyə çalışan adamın səsi və hərəkətidir,” o deyib.

Heni məhkəmə üzvlərinə həmçinin Rinderknecht-in ChatGPT-də axtarış etmək üçün kompüterindən necə istifadə etməsinə dair qənaətə gəlməməyi tövsiyə edib.

Yanğınsöndürənlər əvvəlcə 1 yanvarda yanğın barədə məlumatlara reaksiya verib, lakin yanğın yenidən alovlanıb. Bu da evakuasiyalara və geniş dağıntılara səbəb olub.

Son illərdə Kaliforniyada vəhşi yanğınların ölümcüllüyü ekstremal quraqlıq və iqlim dəyişikliyi ilə pisləşən şərait, həmçinin vəhşi ərazilərdə yaşayış məskənlərinin artması səbəbindən artıb.

Palisades Yanğınının alovu güclü Santa Ana küləkləri və quraq şəraitlə daha da güclənib. Dövlət yanğın agentliyi Cal Fire-in məlumatına görə, yanğın zirvə vaxtında 23 min akrdan çox sahəni əhatə edib.

Palisades Yanğıları ştat tarixində doqquzuncu ən ölümcül və üçüncü ən dağıdıcı yanğın olub. Kaliforniyanın ən böyük 10 vəhşi yanğınından doqquzunun son on ildə baş verməsi göstərir ki, belə fəlakətlər daha çox artıb.