2026-cı ilin iyun ayında "Superhuman" "GPTZero" adlı süni intellektin aşkarlanması üzrə fəaliyyət göstərən startapı satın alıb. Bu barədə şirkətlər birlikdə bəyan ediblər.

Müqavilənin detalları açıqlanmayıb, lakin "GPTZero"nun qurucusu Edvard Tian məlumat verib ki, şirkətin 19 milyondan çox qeydiyyatdan keçmiş istifadəçisi var və illik təkrarlanan gəliri 30 milyon dollardır.

2024-cü ildə Tian "TechCrunch"a bildirib ki, şirkət artıq mənfəətlidir. Tian və həmtəsisçi, texniki direktor Aleks Kui məktəb yoldaşıdırlar və "Uncork Capital" tərəfindən idarə olunan 3,5 milyon dollar həcmində toxum investisiya turu keçiriblər. Daha sonra 2024-cü ilin iyununda "Footwork"un həmtəsisçisi Nikhil Basu Trivedinin rəhbərliyi ilə 10 milyon dollar dəyərində A seriyası sərmayə toplandı. "Reach Capital", Cek Altmanın "Alt Capital" və "Neo" da investorlar arasında idi. Ümumilikdə şirkət 13,5 milyon dollar investisiya cəlb edib.

"Superhuman" şirkəti isə ötən il "Grammarly" tərəfindən alınıb və adı dəyişilərək "Superhuman" qoyulub. Onun platformasında artıq süni intellekt aşkarlama aləti mövcuddur. "GPTZero"nun əsas vəzifəsi istifadəçilərə süni intellekt tərəfindən yaradılan məzmunu aşkar və müdafiə etməkdə kömək etməkdir. "Grammarly"nın aləti isə istifadçilərə, xüsusilə tələbələrə, yazılarının süni intellekt tərəfindən yaradılmasını müəyyən etməyə və bu yazıları düzəltməyə imkan verir. "Superhuman" satın alma ilə bağlı bildirir ki, "iki süni intellekt aşkarlama aləti bir dənədən daha yaxşıdır".