"Sacai" 2027-ci ilin yaz/yay kolleksiyasını Parisdə təqdim edərkən "Birkenstock"la əməkdaşlığını da açıqladı.

Yaradıcılıq direktoru Çitosə Abe ilk dəfə Almaniya firmasının üç əsas ayaqqabı modelini birləşdirərək iki yeni dizayn hazırladı.

Birinci model 1963-cü ildə çıxan "Madrid" sandalının "Big Buckle" versiyası ilə 1973-cü ildən bəri məşhur olan, orijinal kvadrat tokalı "Arizona" sandalının birləşməsidir. Bu stil "Sacai"nin Tokioda, Aoyama bölgəsində yerləşən simvolik mağazasının adına istinadən "Aoyama 107" adlandırılıb.

İkinci model isə 1976-cı ilin "Boston" loferi ilə "Arizona" sandalının birləşməsindən ibarətdir və "Cassette 75" adını daşıyır. Bu dizayn Parisdəki "Sacai" ofisinin yerləşdiyi Rue Cassette küçəsinə hörmət əlaməti sayılır.

Kolleksiya "Birkenstock"un premium təbii və nubuk dərilərindən hazırlanıb, markanın məşhur kərpic-kork ayaqqabı tabanı istifadə olunub. Rəng palitrası taup və qara tonlarından ibarətdir.

Ayaqqabılarla yanaşı, iki ölçüdə hazırlanmış "Birkenstock x Sacai" utility çanta da təqdim olunub. Eynilə ayaqqabılarda istifadə olunan nubuk dərisi içəridə və xaricdə fərqli möhkəm materiallarla işlənib. Çantanın dibində "Birkenstock"un məşhur sümük naxışlı altlığı var.

Çanta tənzimlənən kəmər və markanın ikonik kvadrat tokası ilə tamamlanıb, bu da ortopedik köklərə və funksionallığa vurğu edir. Ayaqqabılar kimi çanta da taup və qara rənglərdə təqdim olunub.

Bu əməkdaşlıq Çitosə Abe-nin bu mövsüm kişilər üçün ayrıca şou təşkil etməsi və qadın geyimlərindən yalnız az sayda model təqdim etməsi ilə eyni vaxtda baş verib.

Dizayner bu mövsüm əsas diqqətini kişi geyimlərinə yönəldərək klassikləri özünəməxsus toxuma və rəng qarışıqları ilə yenidən şərh edib.

Qadın kolleksiyasının olmaması Abe-yə 1980-ci illərin preppy tərzini daha kəskin və 1990-cı illərin azca səliqəsiz prizmasından tədqiq etmək imkanı verib. O, bu sezon "Brooks Brothers" arxivindən ilhamlanıb.

Yeni "Birkenstock x Sacai" kollekisyasının 2027-ci ilin baharında qlobal bazarda satışa çıxarılması planlaşdırılır.