Rusiya FHN-nin mobil tətbiqi kiberhücuma məruz qalıb
2 noyabr 2026, 05:46 · Mənbə: Report.az

Rusiya Fövqəladə Hallar Nazirliyinin mobil tətbiqi kiberhücuma məruz qalıb.
Yeniliklərdən dərhal xəbərdar olun!
Rusiya Fövqəladə Hallar Nazirliyinin mobil tətbiqi kiberhücuma məruz qalıb.
"Report" "İnterfaks"a istinadən xəbər verir ki, bu barədə qurumun mətbuat xidməti məlumat yayıb.
"Diqqət! Rusiya Fövqəladə Hallar Nazirliyinin mobil tətbiqi kütləvi kiberhücuma məruz qalıb. Nəticədə hücum edənlər əhaliyə saxta məlumatlar göndərə biliblər", – deyə nazirliyin açıqlamasında bildirilib.
Mətbuat xidmətindən qeyd olunub ki, hazırda zəifliyin aradan qaldırılması və tətbiqin normal fəaliyyətinin bərpası istiqamətində işlər aparılır.
Rusiya teleqram kanallarının məlumatına görə, əhaliyə "nüvə başlıqlarının buraxılması" barədə bildiriş və "üç həftəlik ərzaq ehtiyatı yaradın" xəbərdarlığı göndərilib.
Bundan əvvəl, bazar ertəsi Ukrayna tərəfi də mobil tətbiqə kənar müdaxilə edildiyini bildirmişdi. Qeyd olunmuşdu ki, "Hava həyəcanı" tətbiqinin istifadəçilərinə guya nüvə təhlükəsi və ya küçə döyüşləri barədə bildirişlər göndərilib. Teleqram kanalı "Mash"ın məlumatına görə, sonradan Rusiyadan olan hakerlər hücuma görə məsuliyyəti üzərlərinə götürüblər.
Oxşar xəbərlər

Dünya
Papua-Yeni Qvineya sahillərində 5,9 maqnitudalı zəlzələ baş verib
Report.az · 13 noyabr 2026, 06:17

Dünya
Tramp: ABŞ Yaxın Şərq ölkələrinin xahişi ilə İrana qarşı daha sərt addımlardan çəkinib
Report.az · 13 noyabr 2026, 04:47


Dünya
İspaniya millisi məğlubiyyətsizlik seriyasını 43 matça çatdırıb
Report.az · 13 noyabr 2026, 04:17