Papa Leo süni intellektlə bağlı təhlükələrə diqqət çəkdi

Al Jazeera yazır ki, Papa Leo süni intellektin insanlıq üçün təhlükə yaratma ehtimalını “saxta xəbər” adlandıranlara etiraz edib. O, ABŞ və Çinin bu sahədə təhlükəsizlik tədbirlərini gücləndirməsinin vacibliyini vurğulayıb.

Papa 16 aylıq papalıq dövründə süni intellektin riskləri barədə dəfələrlə xəbərdarlıq edib və texnologiya şirkətlərinin rəhbərlərini bu texnologiyaya nəzarət olmamasını tənqid edib. ABŞ prezidenti Donald Tramp isə süni intellektlə bağlı təhlükələri saxta xəbər kimi qiymətləndirib.

Papa həmin təhlükələrlə bağlı ekspertlərin narahatlıqlarının ciddi qəbul edilməli olduğunu deyib. O, Nvidia şirkətinin rəhbərinin bəzi süni intellekt modellərinə nəzarət mexanizmləri əlavə etmə imkanı barədə fikirlərini eşitdiyini, amma həmin şəxsin eyni zamanda dövlət tənzimləməsini istəmədiyini qeyd edib.

Vatikan son aylar beynəlxalq süni intellekt idarəçiliyinin təşviqinə, xüsusilə nüvə texnologiyası, mədəniyyət və incəsənət sahələrindəki təsirlərinə dair təşəbbüslərini artırıb. Papa süni intellekti insanlığın qarşısındakı ən böyük çağırışlardan biri kimi qiymətləndirir və bu məsələ ilə bağlı siyasi və sosial liderləri dialoqa çağırır.