Nigeriya ətraf mühit təşkilatı ölkənin cənubunda qanunsuz olaraq neft yükləyən gəmidən neft oğurluğu etməyə çalışan ən azı 37 nəfərin öldüyünü bildirib.

Gənclər və Advocasiya Mərkəzi onların böyük əksəriyyətinin zəhərli tüstünü udduqları üçün vəfat etdiklərini bildirib.

Nigeriya hakimiyyəti hələ ölüm sayı barədə rəsmi açıqlama verməsə də, neft oğurluğu cəhd zamanı insanların öldüyünü təsdiqləyib.

Hadisə barədə nə məlumdur?

Hadisə cümə axşamı gecəsi Nigeriyanın cənubunda, Rivers ştatının Okrika bölgəsində baş verib.

Ətraf mühit təşkilatı bildirir ki, hadisə Indorama Eleme Petrochemical şirkətinin yük gəmisindən Port Harcourt emalı zavoduna neft yüklənən körpüdə baş verib. Ölənlərin "şübhəli neft oğruları" olduğu və nefti qanunsuz olaraq kiçik qayıqlara çəkərək oğurlamağa çalışdıqları qeyd edilib.

Gənclər və Advocasiya Mərkəzi qrupunun bildirdiyinə görə, digər şəxslər hələ itkin düşüb və suyun altına düşə bilərlər.

Polis hadisəni təsdiqləyib və təfərrüatları araşdırdığını bildirib.

Rivers ştat polis idarəsinin sözçüsü Blezinq Ağbabe "Polis idarəsinin ölümü təsdiqlədiyini. Qurbanların neft oğurluğuna cəhd göstərdikləri bildirilir" deyib.

Afrikada yanacağa tələbat: Dangote şirkəti həll ola bilər?

Nigeriyanın neftlə zəngin Niger deltası bölgəsində neft oğurluğu geniş yayılıb və burada yaşayanlar yoxsulluq və ətraf mühitin çirklənməsi ilə üzləşirlər.

Nigeriya hökuməti illik milyardlarla dollarlıq zərərə səbəb olan neft oğurluğuna qarşı mübarizə aparır.

Qanunsuz neftin çəkilməsi sızıntılar və ekoloji fəsadlar da yaradır.

Əgər bu rəqəmlər təsdiqlənərsə, ən azı ötən ilin oktyabrından bu tərəfə neft oğurluğuna görə baş verən ən ölümcül hadisə olacaq.

Nigeriya Təhlükəsizlik və Mülki Müdafiə Qüvvələri yayılan ölüm rəqəmlərinin təsdiqlənmədiyini və digər təhlükəsizlik qurumları ilə birgə araşdırma apardıqlarını bildirib.