New York Times rəhbəri Kaliforniyada öldürülüb

BBC News yazır ki, New York Times qəzetinin oyun təcrübəsi üzrə mühəndislik direktoru Coşuan Makinzi Kaliforniyada avtomobil dayanacağıda ölü tapılıb.

O, çoxsaylı atəş yarası alıb və hadisə San Fransiskodan 56 kilometr şərqdə, Dublində baş verib.

Makinzinin həyat yoldaşının valideynləri Şouyonq Çjanq və Şili Çen hadisə ilə bağlı şübhəli şəxs kimi saxlanılıb. Hər ikisi 77 yaşındadır və birinci dərəcəli qətl ittihamı ilə üzləşir.

Saxlanılanlar həmçinin silahın ehtiyatsız istifadəsi, uşaq təhlükəsizliyinin pozulması və cinayət konspirasiya ittihamları ilə qarşı-qarşıyadırlar.

Hadisə yerində şahidlər atəş səslərini eşidib və qurbanın qanaxan vəziyyətdə yerə yıxıldığını görüb.

Şahidlər valideynlərin hadisədən sonra orada qaldığını və sakitcə hadisə yerindən uzaqlaşdıqlarını deyiblər.