Netanyahu BƏƏ-də gizli görüş keçirib

Hürriyet yazır ki, İsrail Baş naziri Benyamin Netanyahu xüsusi təyyarə ilə BƏƏ-nin Abu Dabi şəhərinə gedib və prezident Şeyx Məhəmməd bin Zayid əl-Nahyanla təxminən altı saat davam edən görüş keçirib.

Netanyahuya Mossad rəhbəri Roman Qofman da müşayiət edib.

Görüşdə əsasən İran məsələsi müzakirə olunub. İsrailli jurnalist Amichai Şteyn bildirir ki, Netanyahu Şeyx Məhəmməd bin Zayiddən 7 oktyabr hücumu barədə məlumatlı olduğu iddiasını təkzib etməsini istəyib.

Haaretz qəzeti isə bu ay BƏƏ liderinin həmin hücumdan təxminən 10 gün əvvəl Netanyahuya Həmasın böyük hücuma hazırlaşdığı barədə xəbərdarlıq etdiyi barədə yazıb.

Eyni zamanda, İsrail daxili kəşfiyyat xidməti Şin-Bet (Şabak) Netanyahu-nun gizli BƏƏ səfərini xəbər verən Kanal 12 televiziya kanalını İsrail Ordusunun Hərbi Senzura İdarəsinə şikayət edib. Onlar xəbərin təhlükəsizlik baxımından ciddi təhdid yaratdığını və hərbi senzuranın pozulduğunu bildirib.