"Mastercard"ın (MA) CEO-su Maykl Miibax 2020-ci ilin əvvəllərində, COVID-19 pandemiyasının mərkəzində uzunmüddətli strategiya üzərində işlədiyi zamanı ofisdə azsaylı işçi heyəti və hətta bir itlə birlikdə çalışdığını xatırlayır.

Miibax "Power Players with Brian Sozzi" verilişində söyləyib ki, ABŞ-ın "PepsiCo" şirkətinin yaxınlığında yerləşən geniş ofis kompleksində azsaylı işçilə birgə çalışıb. "Orada yalnız beş nəfər və bir təhlükəsizlik əməkdaşı vardı. Bir əməkdaşının iti vardı, çünki onun baxıcısı artıq gəlmirdi. Bu, bizim 'ekspert qrupu'muz idi".

Almaniyalı Menecər bütün karyerasını ödəniş innovasiyaları sahəsində keçirib. COVID dövründə baş icraçı direktor vəzifəsinə təyin olunduqdan sonra "Mastercard"ın modernləşdirilməsinə sürətlə başlayıb.

Şirkət stabilcoin sahəsində fəaliyyətini artırır, kart sahiblərini kiberhücumlardan qoruyur və beynəlxalq bazarlara genişlənir.

Miibax süni intellekt agentlərinin onlayn alış-verişdə rol alması üçün şirkətin hazırlıqları barədə danışıb. 2025-ci ildə "Mastercard" "Agent Pay" adlı ödəniş sistemini təqdim edib ki, bu da süni intellekt agentlərinin istifadəçilər adından onlayn alış-veriş etməsinə imkan verir.

O qeyd edib: "Agent bu ekosistemdə əvvəl mövcud olmayan əlavə tərəfdir. Biz 'Agent Pay' yaratdıq və o, şəxslərin yoxlanışından keçməlidir. Həmçinin, bütün əməliyyatlar tokenləşdiriləcək və maksimum təhlükəsiz olacaq. Qorxmağa ehtiyac yoxdur. Dünya hələ bu təcrübəyə hazır deyil, amma gələcəkdə artacağını gözləyirik".